ਆਪਣੇ COVID ਦੇ ਲੱਛਣਾਂ 'ਤੇ ਨਜ਼ਰ ਰੱਖੋ
ਜ਼ਿਆਦਾਤਰ ਲੋਕ ਘਰ ਵਿੱਚ ਹੀ COVID-19 ਨੂੰ ਠੀਕ ਕਰ ਸਕਦੇ ਹਨ ਅਤੇ ਹੋ ਸਕਦਾ ਹੈ ਉਨ੍ਹਾਂ ਵਿੱਚ ਕੋਈ ਲੱਛਣ ਨਾ ਹੋਣ ਜਾਂ ਹਲਕੇ ਤੋਂ ਦਰਮਿਆਨੇ ਲੱਛਣ ਹੋ ਸਕਦੇ ਹਨ। ਪਰ ਲੱਛਣ ਬਦਲ ਵੀ ਸਕਦੇ ਹਨ, ਇਸ ਲਈ ਇਹ ਸਮਝਣਾ ਮਹੱਤਵਪੂਰਨ ਹੈ ਕਿ ਜੇਕਰ ਉਹ ਵਿਗੜ ਜਾਂਦੇ ਹਨ ਤਾਂ ਕੀ ਦੇਖਣਾ ਹੈ।
ਤੁਹਾਨੂੰ ਦਰਮਿਆਨੇ ਲੱਛਣਾਂ ਦੀ ਨੇੜਿਓਂ ਨਿਗਰਾਨੀ ਕਰਨੀ ਚਾਹੀਦੀ ਹੈ ਅਤੇ ਜੇਕਰ ਉਹ ਵਿਗੜ ਜਾਂਦੇ ਹਨ ਤਾਂ ਡਾਕਟਰੀ ਸਲਾਹ ਲੈਣੀ ਚਾਹੀਦੀ ਹੈ।
ਤੁਹਾਨੂੰ ਕੀ ਜਾਣਨ ਦੀ ਲੋੜ ਹੈ
ਗੰਭੀਰ ਲੱਛਣਾਂ ਵਿੱਚ ਆਰਾਮ ਕਰਦੇ ਸਮੇਂ ਵੀ ਸਾਹ ਚੜ੍ਹਨਾ ਜਾਂ ਵਾਕਾਂ ਨੂੰ ਬੋਲਣ ਵਿੱਚ ਅਸਮਰੱਥ ਹੋਣਾ, ਨੀਂਦ ਆਉਣੀ ਅਤੇ ਛਾਤੀ ਵਿੱਚ 10 ਮਿੰਟਾਂ ਤੋਂ ਵੱਧ ਸਮੇਂ ਲਈ ਦਰਦ ਹੋਣਾ ਸ਼ਾਮਲ ਹਨ। ਜੇ ਤੁਸੀਂ ਗੰਭੀਰ ਲੱਛਣਾਂ ਦਾ ਅਨੁਭਵ ਕਰਦੇ ਹੋ ਤਾਂ ਐਂਬੂਲੈਂਸ ਲਈ ਟ੍ਰਿਪਲ ਜ਼ੀਰੋ (000) ਨੂੰ ਕਾਲ ਕਰੋ ਅਤੇ ਫ਼ੋਨ ਚੁੱਕਣ ਵਾਲੇ ਨੂੰ ਦੱਸੋ ਕਿ ਤੁਹਾਨੂੰ COVID-19 ਹੈ।
ਜਦੋਂ ਤੱਕ ਤੁਹਾਨੂੰ COVID-19 ਹੈ, ਤਾਂ ਉਦੋਂ ਤੱਕ ਆਪਣੇ ਆਪ ਨੂੰ ਇਹ ਸਵਾਲ ਸਵੇਰੇ, ਦੁਪਹਿਰ ਅਤੇ ਰਾਤ ਨੂੰ ਪੁੱਛੋ। ਕੀ ਮੈਂ ਆਪਣਾ ਭੋਜਨ ਆਪ ਲੈ ਸਕਦਾ/ਸਕਦੀ ਹਾਂ? ਕੀ ਮੈਂ ਆਪ ਪਾਣੀ ਪੀ ਸਕਦਾ/ਸਕਦੀ ਹਾਂ? ਕੀ ਮੈਂ ਆਮ ਤੌਰ 'ਤੇ ਟਾਇਲਟ ਆਪ ਜਾ ਸਕਦਾ/ਸਕਦੀ ਹਾਂ? ਕੀ ਮੈਂ ਆਪਣੀ ਨਿਯਮਤ ਦਵਾਈ ਲੈ ਸਕਦਾ/ਸਕਦੀ ਹਾਂ? ਜੇਕਰ ਤੁਸੀਂ ਇਹਨਾਂ ਵਿੱਚੋਂ ਕਿਸੇ ਵੀ ਸਵਾਲ ਦਾ ਜਵਾਬ 'ਨਾਂਹ' ਵਿੱਚ ਦਿੰਦੇ ਹੋ, ਤਾਂ ਆਪਣੇ ਜੀਪੀ ਨੂੰ ਕਾਲ ਕਰੋ।
COVID-19 ਇੱਕ ਸਾਹ ਦੀ ਬਿਮਾਰੀ ਹੈ, ਇਸ ਲਈ ਤੁਸੀਂ ਆਪਣੇ ਸਾਹ ਦੀ ਜਾਂਚ ਕਰਕੇ ਨਿਗਰਾਨੀ ਕਰ ਸਕਦੇ ਹੋ ਕਿ ਕੀ ਤੁਹਾਡੀ ਹਾਲਤ ਵਿਗੜ ਰਹੀ ਹੈ। ਹੋ ਸਕਦਾ ਹੈ ਕਿ ਤੁਹਾਨੂੰ ਤੁਹਾਡੇ ਦਿਲ ਦੀ ਧੜਕਣ ਅਤੇ ਆਕਸੀਜਨ ਦੇ ਪੱਧਰਾਂ ਦੀ ਜਾਂਚ ਕਰਨ ਲਈ ਤੁਹਾਡੇ ਜੀਪੀ ਤੋਂ ਪਲਸ ਆਕਸੀਮੀਟਰ ਵੀ ਦਿੱਤਾ ਗਿਆ ਹੋਵੇ।
ਆਪਣੇ ਲੱਛਣਾਂ ਨੂੰ ਟਰੈਕ ਕਰਨ ਲਈ ਡਾਇਰੀ 'ਤੇ ਲਿਖਕੇ ਰੱਖੋ ਅਤੇ ਜੇਕਰ ਤੁਹਾਡੇ ਕੋਲ ਆਪਣੀ COVID-19 ਕਾਰਵਾਈ ਯੋਜਨਾ ਹੈ ਤਾਂ ਉਸ ਦੀ ਪਾਲਣਾ ਕਰੋ।
ਜੇ ਤੁਹਾਨੂੰ COVID-19 ਹੈ ਅਤੇ ਤੁਸੀਂ ਗਰਭਵਤੀ ਹੋ, ਕੋਈ ਪੁਰਾਣੀ ਡਾਕਟਰੀ ਸਮੱਸਿਆ ਹੈ ਜਾਂ ਤੁਸੀਂ ਬਹੁਤ ਜ਼ਿਆਦਾ ਚਿੰਤਤ ਹੋ, ਤਾਂ ਆਪਣੇ ਜੀਪੀ ਨਾਲ ਸੰਪਰਕ ਕਰੋ ਜਾਂ ਨੈਸ਼ਨਲ ਕਰੋਨਾਵਾਇਰਸ ਹੈਲਪਲਾਈਨ ਨੂੰ ਫ਼ੋਨ ਕਰੋ - ਭਾਵੇਂ ਤੁਹਾਡੇ ਹਲਕੇ ਲੱਛਣ ਹੋਣ।
ਕੀ COVID ਬਾਰੇ ਤੁਹਾਡੇ ਕੋਈ ਹੋਰ ਸਵਾਲ ਹਨ? COVID ਬਾਰੇ ਸਪਸ਼ਟਤਾ ਪ੍ਰਾਪਤ ਕਰੋ
ਇਹ ਪਤਾ ਕਰਨ ਲਈ ਕਿ ਕੀ ਤੁਹਾਨੂੰ ਡਾਕਟਰੀ ਮੱਦਦ ਲੈਣ ਦੀ ਲੋੜ ਹੈ, COVID-19 ਲੱਛਣ ਅਤੇ ਐਂਟੀਵਾਇਰਲ ਯੋਗਤਾ ਜਾਂਚਕਰਤਾ ਦੀ ਵਰਤੋਂ ਕਰੋ।
ਕਿਰਪਾ ਕਰਕੇ 1800 020 080 ‘ਤੇ ਨੈਸ਼ਨਲ ਕੋਰੋਨਾਵਾਇਰਸ ਹੈਲਪਲਾਈਨ ਲਈ ਪੁੱਛੋꓲ
Last reviewed: July 2022
