រោគសញ្ញាស្រាលនានា ដែលជាធម្មតាអាចគ្រប់គ្រងបាននៅផ្ទះរួមមានហៀរសំបោរ ឈឺបំពង់ក ក្អក ឈឺនិងចុកចាប់ ឈឺក្បាល ក្តៅខ្លួន (សីតុណ្ហភាពខ្ពស់) និងអស់កម្លាំង។

ប្រសិនបើអ្នកមាន COVID-19 ហើយមានផ្ទៃពោះ មានជំងឺរ៉ាំរ៉ៃ ឬមានការព្រួយបារម្ភ សូមទាក់ទងមក GP របស់អ្នក — ទោះបីជាអ្នកមានរោគសញ្ញាស្រាលក៏ដោយ។

អ្នកគួរតែតាមដានរោគសញ្ញាកម្រិតមធ្យមឱ្យបានដិតដល់ និងស្វែងរកដំបូន្មានវេជ្ជសាស្រ្ត ប្រសិនបើវាកាន់តែអាក្រក់ទៅៗ។ ទាំងនេះរួមមានការចាំបាច់ត្រូវការដកដង្ហើមឱ្យខ្លាំង ខណៈពេលកំពុងដើរជុំវិញផ្ទះរបស់អ្នក គ្រុនក្តៅលើសពី 38 អង្សារសេ ដែលមិនឆ្លើយតបនឹងការព្យាបាល ហើយមានការលំបាកក្នុងការក្រោកពីដំណេក។

ចូរសួរខ្លួនអ្នកនូវសំណួរទាំងនេះនៅពេលព្រឹក ពេលរសៀល និងពេលយប់។ តើខ្ញុំអាចរៀបចំអាហារដោយខ្លួនឯងបានទេ? តើខ្ញុំអាចផឹកទឹកបានទេ? តើខ្ញុំអាចទៅបង្គន់ជាធម្មតាបានទេ? តើខ្ញុំអាចលេបថ្នាំពេទ្យធម្មតាបានទេ? ប្រសិនបើអ្នកឆ្លើយថា 'ទេ' ចំពោះសំណួរទាំងនេះណាមួយ សូមទូរសព្ទទៅ GP របស់អ្នក។

រោគសញ្ញាធ្ងន់ធ្ងររួមមានដង្ហើមខ្លីនៅពេលសម្រាក ឬមិនអាចនិយាយចេញជាឃ្លា ងងុយដេក និងឈឺទ្រូងមានរយៈពេលលើសពី 10 នាទី។ ប្រសិនបើអ្នកមានរោគសញ្ញាធ្ងន់ធ្ងរ សូមហៅទូរសព្ទទៅលេខសូន្យបីដង (000) សម្រាប់រថយន្តសង្គ្រោះបន្ទាន់ ហើយប្រាប់អ្នកលើកទូរសព្ទថាអ្នកមាន COVID-19។

ព័ត៌មានបន្ថែមអំពីរោគសញ្ញានានា