ការជាសះស្បើយឡើងវិញពី COVID
ពេលវេលាដែលវាត្រូវការដើម្បីជាស្បះស្បើយឡើងវិញពី COVID-19 អាច ប្រែប្រួលពីមនុស្សម្នាក់ ទៅមនុស្សម្នាក់។
ជាទូទៅ មនុស្សភាគច្រើនដែលមានរោគសញ្ញាស្រាលនឹង ជាសះស្បើយឡើងវិញក្នុងរយៈពេលពីរបីថ្ងៃ - ជាពិសេសប្រសិនបើពួកគេត្រូវបានចាក់វ៉ាក់សាំងពេញលេញ។
អ្វីដែលអ្នកចាំបាច់ត្រូវដឹង
អ្នកដែលមានរោគសញ្ញាស្រាល ជាធម្មតាត្រូវបានចាត់ទុកថាជាសះស្បើយឡើងវិញបន្ទាប់ពីរយៈពេល 7 ថ្ងៃ ប្រសិនបើរោគសញ្ញារបស់ពួកគេបានឈប់។ ទោះជាយ៉ាងណាក៏ដោយ អ្នកនៅតែអាចមានអារម្មណ៍ថា មានផលប៉ះពាល់នៃជំងឺរបស់អ្នករយៈពេលពីរបីថ្ងៃទៀត។
ផ្តល់អាទិភាពដល់ការគេង - យើងបានជា និងជាសះស្បើយឡើងវិញបានល្អបំផុត នៅពេលដែលយើងគេងលក់ស្រួល។
សូមកុំគិតច្រើនពេក — ព្យាយាមរៀបចំមនុស្សគាំទ្រឱ្យធ្វើអ្វីៗដូចជាការទៅទិញម្ហូបអាហារ ថែទាំកុមារ និងនាំកុមារឱ្យចូលរួមក្នុងសកម្មភាពកីឡានានា។ ធ្វើការពីផ្ទះប្រសិនបើអាចធ្វើទៅបាន ដើម្បីជៀសវាងការនឿយហត់ពីការធ្វើដំណើរ។
រក្សាជាតិទឹក - វាសាមញ្ញប៉ុន្តែសំខាន់ ជាពិសេសនៅក្នុងអាកាសធាតុត្រជាក់ នៅពេលដែលអ្នកប្រហែលជាមិនមានអារម្មណ៍ស្រេកទឹក។
ពិសាអាហារដែលមានសុខភាពល្អ - ទោះបីជាអ្នកនៅតែមិនអាចដឹងក្លិន ឬភ្លក់រសជាតិអាហាររបស់អ្នកក៏ដោយ សូមគិតអំពីអាហារដែលមានសុខភាពល្អ ដ្បិតអីថាមពលដែលរាងកាយរបស់អ្នកត្រូវការ ដើម្បីជាសះស្បើយឡើងវិញ។
លំហាត់ប្រាណ គឺជាផ្នែកមួយដ៏សំខាន់ក្នុងការជាសះស្បើយឡើងវិញពី COVID-19។ មនុស្សភាគច្រើនដែលមានរោគសញ្ញាកម្រិតស្រាល អាចចាប់ផ្តើមជាមួយនឹងសកម្មភាពស្រាលៗ ដូចជាការដើរ នៅពេលដែលពួកគេមានអារម្មណ៍ល្អគ្រប់គ្រាន់។ ប្រសិនបើអ្នកមានរោគសញ្ញាកម្រិតមធ្យម សូមពិភាក្សាជាមួយវេជ្ជបណ្ឌិតរបស់អ្នក មុនពេលធ្វើលំហាត់ប្រាណម្តងទៀត។ ប្រសិនបើអ្នកមានការឈឺទ្រូង ឬញ័រទ្រូងលើសពី 10 នាទី សូមទាក់ទងមកវេជ្ជបណ្ឌិតជាបន្ទាន់។
តើមានសំណួរផ្សេងទៀតអំពី COVID ទេ? ទទួលបានភាពច្បាស់លាស់អំពី COVID
ប្រើ ឧបករណ៍ពិនិត្យរោគសញ្ញា COVID-19 និងឱសថព្យាបាលប្រឆាំងនឹងវីរុស ដើម្បីឱ្យបានដឹង ថាតើអ្នកត្រូវការស្វែងរកជំនួយផ្នែកវេជ្ជសាស្រ្តដែរឬទេ។
ហៅបណ្តាញទូរសព្ទជំនួយជាតិស្តីពីវីរុសកូរ៉ូណា តាមលេខ 1800 020 080 នៅពេលណាក៏បាន ប្រសិនបើអ្នកត្រូវការដំបូន្មាន។
