រៀបចំផ្ទះរបស់អ្នកសម្រាប់ COVID
ប្រសិនបើមនុស្សក្នុងក្រុមគ្រួសារ ឬសមាជិកក្រុមគ្រួសារម្នាក់ធ្វើតេស្ត វិជ្ជមាន COVID-19 អ្នកនឹងចាំបាច់ត្រូវរៀបចំទីកន្លែង ឬបន្ទប់ដែលពួកគេអាចនៅឆ្ងាយពីអ្នកដទៃ ប្រសិនបើអាចធ្វើទៅបាន។
អ្នកគ្រប់គ្នានៅក្នុងផ្ទះនឹងត្រូវ ធ្វើការប្រុងប្រយ័ត្ន ភ្លាមៗ ដូច្នេះវាជាការល្អក្នុងការ ទិញថ្នាំពេទ្យ ផលិតផលលាងសម្អាត និង គ្រឿងទេសសំខាន់ៗទុកឱ្យបានមុន។
នេះគឺជាគន្លឹះខ្លះៗដើម្បីជួយអ្នកឱ្យត្រៀមខ្លួន និងរក្សាសុវត្ថិភាព។
អ្វីដែលអ្នកចាំបាច់ត្រូវដឹង
បុគ្គលដែលមាន COVID-19 គួរតែមានបន្ទប់មួយដាច់ដោយឡែក និងមានខ្យល់ចេញចូលល្អសម្រាប់គេង ដែលមានផ្លូវចេញចូលទៅកាន់បន្ទប់ទឹកដាច់ដោយឡែកមួយ ប្រសិនបើអាចធ្វើទៅបាន។
ដោយសារផ្ទៃដែលប៉ះពាល់ញឹកញាប់ - ដូចជាដៃទ្វារ កុងតាក់បិទបើកភ្លើង បង្គន់ ក្បាលរ៉ូប៊ីនេទឹក និងផើងទឹក - នឹងត្រូវសម្អាតឱ្យបានញឹកញាប់ ត្រូវប្រាកដថាអ្នកមានថ្នាំសម្លាប់មេរោគ និងសាប៊ូគ្រប់គ្រាន់។
ស្តុកទុកម៉ាស់មុខ សាប៊ូ ទឹកថ្នាំអនាម័យសម្អាតដៃ ស្រោមដៃដែលប្រើរួចបោះចោល ក្រដាសជូតមាត់ និងថ្នាំបំបាត់ការឈឺចាប់ដូចជាថ្នាំប៉ារ៉ាសេតាម៉ុល។
ផ្តល់ភាពងាយស្រួលក្នុងការប្រើប្រាស់ក្រដាសជូតមាត់ ធុងសំរាម និងសាប៊ូ ឬទឹកថ្នាំអនាម័យសម្អាតដៃដែលមានជាតិអាល់កុល នៅពេញទូទាំងផ្ទះរបស់អ្នក។
ត្រូវប្រាកដថាបុគ្គលដែលមាន COVID-19 មានចាន ពែង សមស្លាបព្រាកាំបិត កន្សែងងូតទឹក ប្រដាប់ប្រដាគ្រែ និងរបស់របរប្រើប្រាស់ផ្ទាល់ខ្លួនផ្សេងទៀត ពីព្រោះថាមិនគួរប្រើប្រាស់របស់ទាំងនេះរួមគ្នា ជាមួយអ្នកដទៃក្នុងក្រុមគ្រួសារទេ។
តើមានសំណួរផ្សេងទៀតអំពី COVID ទេ? ទទួលបានភាពច្បាស់លាស់អំពី COVID
ប្រើ ឧបករណ៍ពិនិត្យរោគសញ្ញា COVID-19 និងឱសថព្យាបាលប្រឆាំងនឹងវីរុស ដើម្បីឱ្យបានដឹង ថាតើអ្នកត្រូវការស្វែងរកជំនួយផ្នែកវេជ្ជសាស្រ្តដែរឬទេ។
ហៅបណ្តាញទូរសព្ទជំនួយជាតិស្តីពីវីរុសកូរ៉ូណា តាមលេខ 1800 020 080 នៅពេលណាក៏បាន ប្រសិនបើអ្នកត្រូវការដំបូន្មាន។
