វិធី និងកន្លែងដែលត្រូវនៅដាច់ដោយឡែកពីគេ
ប្រសិនបើអ្នកមាន COVID-19 អ្នកគួរតែស្នាក់នៅផ្ទះ រហូតដល់រោគសញ្ញាស្រួចស្រាវរបស់អ្នកបានជាបាត់អស់។ ព្យាយាម ជៀសវាងទំនាក់ទំនងជាមួយសមាជិកក្រុមគ្រួសារ ប្រសិនបើអាចធ្វើទៅបាន។
ប្រសិនបើអ្នកត្រូវតែចាកចេញពីផ្ទះ ចូរពាក់ម៉ាស់មុខ ហើយនៅឱ្យឆ្ងាយពីអ្នកដទៃ។
សូមពិនិត្យមើលគេហទំព័ររបស់ក្រសួងសុខាភិបាលរបស់អ្នកសម្រាប់ព័ត៌មានចុងក្រោយបំផុត។
អ្វីដែលអ្នកចាំបាច់ត្រូវដឹង
ខណៈពេលដែលអ្នកកំពុងដាក់ខ្លួនឱ្យនៅដាច់ពីគេ សូមនៅដាច់ដោយឡែកពីសមាជិកគ្រួសាររបស់អ្នក គេងនៅក្នុងបន្ទប់ដែលមានខ្យល់ចេញចូលល្អ ហើយប្រើបន្ទប់ទឹកដាច់ដោយឡែក ប្រសិនបើអាចធ្វើទៅបាន។
កុំអនុញ្ញាតឱ្យភ្ញៀវមកលេងផ្ទះរបស់អ្នក លើកលែងតែសម្រាប់ការថែទាំសុខភាព ឬការថែទាំផ្ទាល់ខ្លួន។
សម្អាតផ្ទៃដែលប៉ះញឹកញាប់ - ដូចជាដៃទ្វារ ឧបករណ៍នានា និងផ្ទៃតុវែង - ជាមួយសាប៊ូ និងទឹកក្តៅឧណ្ហៗមុននឹងសម្លាប់មេរោគ ពីព្រោះភាពកខ្វក់ និងធូលីអាចប៉ះពាល់ដល់វិធីដែលថ្នាំសម្លាប់មេរោគដំណើរការបានល្អ។ ឬប្រើផលិតផល 2-in-1 សម្រាប់ទាំងការសម្អាត និងការសម្លាប់មេរោគ។
ប្រសិនបើអ្នករស់នៅក្នុងអគារផ្ទះល្វែង អ្នកគួរស្នាក់នៅក្នុងផ្ទះរបស់អ្នក។ អ្នកមិនគួរប្រើប្រាស់ទីកន្លែងនានារួមគ្នា ដូចជាកន្លែងបោកគក់ ឬកន្លែងសម្រាប់ទទួលភ្ញៀវ។ ទាក់ទងមកអ្នកគ្រប់គ្រងអគាររបស់អ្នកអំពីការប្រមូលសំរាម។ ទំនិញដឹកជញ្ជូនគួរតែទុកនៅខាងក្រៅទ្វាររបស់អ្នក ហើយទៅយកបានតែនៅពេលដែលច្រកផ្លូវដើរក្នុងអគារទទេប៉ុណ្ណោះ។
ប្រសិនបើអ្នកនៅផ្ទះតែម្នាក់ឯង ចូរស្នើសុំជំនួយ ដូចជាពីសាច់ញាតិ ឬមិត្តភ័ក្តិដែលអាចទាក់ទងមកអ្នកជាទៀងទាត់។ ទោះជាយ៉ាងណាក៏ដោយ ពួកគេមិនគួរមកលេងសួរសុខទុក្ខទេ លើកលែងតែដើម្បីទុកគ្រឿងទេស ថ្នាំពេទ្យ ឬគ្រឿងផ្គត់ផ្គង់នៅខាងក្រៅទ្វាររបស់អ្នក។
តើមានសំណួរផ្សេងទៀតអំពី COVID ទេ? ទទួលបានភាពច្បាស់លាស់អំពី COVID
ប្រើ ឧបករណ៍ពិនិត្យរោគសញ្ញា COVID-19 និងឱសថព្យាបាលប្រឆាំងនឹងវីរុស ដើម្បីឱ្យបានដឹង ថាតើអ្នកត្រូវការស្វែងរកជំនួយផ្នែកវេជ្ជសាស្រ្តដែរឬទេ។
ហៅបណ្តាញទូរសព្ទជំនួយជាតិស្តីពីវីរុសកូរ៉ូណា តាមលេខ 1800 020 080 នៅពេលណាក៏បាន ប្រសិនបើអ្នកត្រូវការដំបូន្មាន។
