Kailan at paano magpasuri
Ang tanging maaasahang paraan para malaman kung mayroon kang COVID-19 ay ang magpasuri. Dalawang uri ng mga pagsusuri ang inirerekomenda sa Australia:
• Ang mga pagsusuring polymerase chain reaction (PCR) ay ginagawa sa pamamagitan ng iyong GP o sa isang klinik. Ang mga ito ay mas eksakto, subalit ang mga resulta ay nangangailangan ng 1-3 araw bago malaman.
• Ang mga Rapid Antigen Test (RATs) ay maaaring bilhin mula sa mga botika, supermarket o online. Maaari itong gawin kahit saan, kabilang ang tahanan, at malalaman ang mga resulta sa loob ng 15-20 minuto.
Ano ang kailangan mong malaman
Dapat kang magpasuri kung mayroon kang anumang mga sintomas ng COVID-19 kahit na banayad ang mga ito.
Dapat ka ring magpasuri kung itinuturing kang malapitang kontak ng taong may COVID-19.
Kung nagkaroon ka na ng COVID-19, dapat kang magpasuri kung mayroon kang bagong mga sintomas nang hindi kukulangin sa 4 na linggo matapos kang gumaling.
Isaalang-alang rin ang pagsasagawa ng isang rapid antigen test kung bibisita ka sa isang pasilidad sa pangangalaga ng matatanda, makikipagkita sa isang tao na may kronik na kondisyon o dadalo ka sa isang pagdiriwang o salu-salo.
Dapat kang magpasuri kung bahagi ito ng programa sa screening ng COVID para sa iyong paaralan o tagapag-empleyo.
May iba pang mga tanong tungkol sa COVID? Magkaroon ng paglilinaw sa COVID
Gamitin ang COVID-19 Symptom Checker upang malaman kung kailangan mong humingi ng medikal na tulong.
Tawagan ang National Coronavirus Helpline sa 1800 020 080 — pindutin ang 8 upang makakuha ng impormasyong pangkalusugan sa iyong wika.
