Kabilang sa mga malulubhang sintomas ang kakapusan ng paghinga, kahit nagpapahinga, o hindi makapagsalita ng mga pangungusap, pagkaantok at pananakit ng dibdib na tumatagal nang higit sa 10 minuto. Kung nakakaranas ka ng mga malulubhang sintomas, tawagan ang tripleng zero (000) para sa ambulansiya at sabihin sa kawani na may COVID-19 ka.

Habang may COVID-19 ka, tanungin ang iyong sarili ng mga tanong na ito sa umaga, hapon, at gabi. Nakakakuha ba ako ng sarili kong pagkain? Nakakainom ba ako ng tubig? Nakakapunta ba ako sa banyo sa normal na paraan? Nakakainom ba ako ng aking regular na medikasyon? Kung sumagot ka ng ‘hindi’ sa alinmang mga tanong na ito, tawagan ang iyong GP.

Ang COVID-19 ay isang panrespiratoryong sakit, kung kaya't maaari mong bantayan kung lumalala ka sa pamamagitan ng pagsusuri sa iyong paghinga. Maaaring nabigyan ka rin ng pulse oximeter mula sa iyong GP upang suriin ang bilis ng pintig ng iyong puso at iyong mga lebel ng oxygen.

Magkaroon ng diary upang subaybayan ang iyong mga sintomas at sundin ang iyong plano sa pagkilos para sa COVID-19 kung mayroon ka nito.

Kung ikaw ay may COVID-19 at buntis, may kronik na medikal na kondisyon o nababahala, kontakin ang iyong GP o tawagan ang National Coronavirus Helpline — kahit na ikaw ay may mga banayad na sintomas lamang.

KARAGDAGANG IMPORMASYON TUNGKOL SA PAGSUSUBAYBAY