Ang long COVID (pangmatagalang COVID) ay paminsan-minsang kilala rin bilang post-COVID condition (kondisyon pagkatapos magkaroon ng COVID). Ito ay tuwing ang mga sintomas ng COVID-19 ay nananatili, o nagpapakita makalipas ang mahabang panahon pagkatapos ng iyong matinding karamdaman. Ang mga sintomas na ito ay maaaring tumagal nang ilang linggo o paminsan-minsang ilang buwan.

Ang pinakakaraniwang mga sintomas ng pangmatagalang COVID ay kinabibilangan ng pagkahapo, mga sakit ng ulo, nagpapatuloy na ubo, pagkahilo, kakapusan ng paghinga, insomnia at brain fog. Ang ilang taong may pangmatagalang COVID ay maaaring makaranas ng mababang lagay ng kalooban at pagkabalisa.

Ang mga taong may mga pinakapangunahing kondisyon, katulad ng diabetes, labis na katabaan, sakit sa baga, sakit sa puso o altapresyon ng dugo, ay mas inaasahang magkaroon ng mga pangmatagalang komplikasyon mula sa impeksyon ng COVID-19.

Ang pangmatagalang COVID ay maaaring ma-diagnose ng isang GP. Maaari nilang gawin ito sa pamamagitan ng pagsusuri sa mga sintomas na nararanasan pa rin ng isang tao pagkatapos gumaling mula sa matinding karamdaman.

Upang makatulong na pamahalaan ang pangmatagalang COVID, mahalagang ayusin ang iyong buhay upang maiwasang mapagod ang iyong sarili. Ipunin ang iyong lakas at magpahinga nang madalas. Ang ilang mga sintomas ay maaaring matulungan ng paggamot.

KARAGDAGANG IMPORMASYON TUNGKOL SA PANGMATAGALANG COVID