Hindi mo kailangang mag-isolate nang sarili sa iyong bahay. Kung angkop at ligtas na gawin mo ito, maaari kang manatili sa isang hotel o iba pang akomodasyon. Kailangan mo pa ring iwasan ang kontak sa ibang tao.

Kung nasa bahay, manatili sa isang lugar na hiwalay sa ibang mga miyembro ng sambahayan kung maaari. Huwag pahintulutan ang mga bisita sa iyong bahay, maliban kung para sa medikal o personal na pangangalaga.

Linisin ang mga bagay na palaging hinahawakan — katulad ng mga hawakan ng pinto, mga aparato at mga benchtop — gamit ang detergent at mainit-init na tubig bago mag-disinfect dahil ang dumi at dungis ay maaaring makaapekto sa husay ng disinfectant. O, gumamit ng 2-in-1 na produkto na may kapwa panlinis at pag-disinfect na katangian.

Kung nakatira ka sa isang apartment na gusali, manatili sa iyong unit. Huwag gumamit ng mga pasilidad na ginagamit ng lahat, katulad ng laundry o foyer. Kontakin ang tagapamahala ng gusali tungkol sa pagkolekta ng basura. Ang mga delivery ay dapat iwan sa labas ng iyong pinto at kukunin lamang kapag walang sinuman sa koridor.

Kapag nag-isolate nang mag-isa, humingi ng suporta, katulad ng mula sa kamag-anak o kaibigan, na regular na makikipag-ugnayan sa iyo. Subalit, hindi sila dapat bumisita maliban sa pag-iwan ng mga binili, gamot o mga supply sa labas ng iyong pinto.

KARAGDAGANG IMPORMASYON TUNGKOL SA PAG-ISOLATE