ការចាក់វ៉ាក់សាំង បង្វឹកប្រព័ន្ធការពាររបស់អ្នកឱ្យស្គាល់ និងកម្ចាត់មេរោគនានាបានយ៉ាងឆាប់រហ័សដូចជា COVID-19 ជាដើម។ ការចាក់វ៉ាក់សាំងក៏ជួយបញ្ឈប់អ្នកពីការឈឺខ្លាំងផងដែរ ប្រសិនបើអ្នកឆ្លង COVID។ ដូសជំរុញ បន្ថែមស្រទាប់ការពារមួយទៀត ដែលអាចចុះខ្សោយទៅតាមពេលវេលា។

បើទោះជាអ្នកធ្លាប់បានឆ្លង COVID-19 ក៏ដោយ អ្នកនៅតែត្រូវចាក់វ៉ាក់សាំង។ មនុស្សភាគច្រើនគួរតែរង់ចាំរហូតដល់ទៅ 3 ខែដើម្បីទទួលការចាក់វ៉ាក់សាំងរបស់ពួកគេ បន្ទាប់ពីពួកគេជាសះស្បើយ។

អនុវត្តអនាម័យល្អ ដោយលាងដៃឱ្យបានទៀងទាត់យ៉ាងហោចណាស់ 20 វិនាទីដោយប្រើសាប៊ូ និងទឹក។ ជាជម្រើសផ្សេងទៀត ប្រើទឹកថ្នាំអនាម័យសម្អាតដៃមានជាតិអាល់កុល។ ខ្ទប់ច្រមុះ និងមាត់របស់អ្នកជាមួយក្រដាសជូតមាត់ ឬកែងដៃរបស់អ្នក ពេលណាក្អក ឬកណ្តាស់។

រក្សាគម្លាតយ៉ាងតិច 1.5 ម៉ែត្រពីអ្នកដទៃ (គម្លាតរាងកាយ) និងជៀសវាងកន្លែងដែលមានមនុស្សច្រើនកកកុញ តាមដែលអាចធ្វើទៅបាន ពីព្រោះថា​ការមានទំនាក់ទំនងជិតស្និទ្ធ បង្កើនហានិភ័យនៃការឆ្លង COVID-19។

ពាក់ម៉ាស់ ជាពិសេសនៅក្នុងហ្វូងមនុស្ស កន្លែងតូចចង្អៀត ឬនៅលើយានជំនិះសាធារណៈ។

ជៀសវាងការទាក់ទងជាមួយមនុស្សដែលមិនស្រួលខ្លួន ហើយប្រសិនបើអ្នកមានអារម្មណ៍មិនស្រួលខ្លួនឯង ចូរស្នាក់នៅផ្ទះ។

ព័ត៌មានបន្ថែមអំពីការការពារ