Ang mga taong may banayad na mga sintomas ay karaniwang itinuturing na gumaling pagkatapos ng 7 araw, kapag huminto na ang kanilang mga sintomas. Subalit, maaari mo pa ring maramdaman ang mga epekto ng iyong karamdaman sa loob ng ilang araw.

Unahin ang pagtulog — tayo ay nagkakaroon ng lunas at gumagaling nang husto kapag nakakakuha tayo ng maayos at mahimbing na tulog.

Huwag gumawa ng masyadong maraming bagay — subukang mag-areglo ng suporta sa mga tao upang gawin ang mga bagay katulad ng pagbili ng mga grocery, pag-aalaga sa bata at pagdala sa mga bata sa mga aktibidad ng sports. Magtrabaho mula sa bahay kung maaari, upang maiwasan ang nakakapagod na pagbibiyahe sa trabaho.

Panatilihing maraming iniinom na tubig — simple lang ito pero mahalaga, lalong-lalo na sa mas malamig na panahon kung kailan maaaring hindi ka makaramdam ng uhaw.

Kumain ng masustansiyang pagkain — kahit na hindi mo pa rin maamoy o malasahan ang iyong pagkain, isipin ang masustansiyang pagkain bilang gasolina na kailangan ng iyong katawan upang gumaling.

Ang ehersisyo ay mahalagang bahagi ng paggaling mula sa COVID-19. Karamihan ng mga taong may mga banayad na sintomas ay maaaring magsimula ng magaang aktibidad, katulad ng paglalakad, kapag mabuti na ang kanilang pakiramdam. Kung nagkaroon ka ng mga katamtamang sintomas, makipag-usap sa iyong doktor bago mag-ehersisyo muli. Kung ikaw ay may pananakit sa dibdib o mga palpitasyon nang higit sa 10 minuto, kontakin kaagad ang doktor.

KARAGDAGANG IMPORMASYON TUNGKOL SA PAGGALING