ਮੂੰਹ ਰਾਹੀਂ ਲਈ ਜਾਣ ਵਾਲੀ ਸੰਯੁਕਤ ਗਰਭਨਿਰੋਧਕ ਗੋਲੀ - 'ਗੋਲੀ'

ਗੋਲੀ

ਰੋਜ਼ਾਨਾ ਲਈ ਜਾਣ ਵਾਲੀ ਗੋਲੀ ਜਿਸ ਵਿੱਚ 2 ਹਾਰਮੋਨ (ਐਸਟ੍ਰੋਜਨ ਅਤੇ ਪ੍ਰੋਜੈਸਟੋਜਨ) ਹੁੰਦੇ ਹਨ।

ਹਰੇਕ ਗੋਲੀ ਦੇ ਪੈਕਟ ਵਿੱਚ 28 ਗੋਲੀਆਂ ਹੁੰਦੀਆਂ ਹਨ, ਜਿਸ ਵਿੱਚ 3.5 ਹਫਤਿਆਂ ਤੱਕ ਦੀਆਂ ਕਿਰਿਆਸ਼ੀਲ (ਹਾਰਮੋਨ) ਗੋਲੀਆਂ, ਅਤੇ ਇੱਕ ਹਫਤੇ ਤੱਕ ਦੀਆਂ ਅਕਿਰਿਆਸ਼ੀਲ (ਗੈਰ-ਹਾਰਮੋਨ) ਗੋਲੀਆਂ ਹੁੰਦੀਆਂ ਹਨ।

ਗੋਲੀ ਦੀਆਂ ਕਈ ਕਿਸਮਾਂ ਹਨ, ਹਰੇਕ ਵਿੱਚ ਵੱਖ-ਵੱਖ ਕਿਸਮਾਂ ਅਤੇ ਹਾਰਮੋਨ ਦੀ ਮਾਤਰਾ ਹੁੰਦੀ ਹੈ। ਤੁਹਾਨੂੰ ਆਪਣੇ ਲਈ ਸਹੀ ਗੋਲੀ ਨੂੰ ਲੱਭਣ ਤੋਂ ਪਹਿਲਾਂ ਕੁਝ ਵੱਖਰੀਆਂ ਗੋਲੀਆਂ ਅਜ਼ਮਾਉਣੀਆਂ ਪੈ ਸਕਦੀਆਂ ਹਨ।

ਗੋਲੀ ਦੀਆਂ ਕੁਝ ਹੋਰ ਆਮ ਵਰਤੋਂ ਵਿੱਚ ਇਹ ਸ਼ਾਮਲ ਹਨ:

• ਗਰਭ ਅਵਸਥਾ ਨੂੰ ਰੋਕਣਾ
• ਪੀਰੀਅਡਾਂ ਨੂੰ ਛੱਡਣਾ
• ਪੀਰੀਅਡਾਂ ਨੂੰ ਨਿਯਮਤ ਕਰਨਾ
• ਮਾਹਵਾਰੀ ਦੇ ਦਰਦ ਨੂੰ ਘਟਾਉਣਾ
• ਮਾਹਵਾਰੀ ਦੇ ਭਾਰੀ ਖੂਨ ਵਗਣ ਨੂੰ ਘਟਾਉਣਾ
• ਵਾਲਾਂ ਦੇ ਜ਼ਿਆਦਾ ਵਾਧੇ ਨੂੰ ਘਟਾਉਣਾ
• ਮੁਹਾਸੇ ਵਿੱਚ ਸੁਧਾਰ ਕਰਨਾ

ਗੋਲੀ ਇਹਨਾਂ ਦੁਆਰਾ ਕੰਮ ਕਰਦੀ ਹੈ:

• ਓਵੂਲੇਸ਼ਨ ਨੂੰ ਰੋਕਣਾ (ਅੰਡਕੋਸ਼ ਤੋਂ ਅੰਡੇ ਨਿਕਲਣਾ)
• ਬੱਚੇਦਾਨੀ ਦੇ ਮੂੰਹ ਦੀ ਬਲਗਮ ਨੂੰ ਸੰਘਣਾ ਕਰਨਾ ਤਾਂ ਜੋ ਸ਼ੁਕਰਾਣੂ ਫੈਲੋਪੀਅਨ ਟਿਊਬਾਂ (ਜਿੱਥੇ ਅੰਡੇ ਫਰਟੀਲਾਈਜ਼ ਹੁੰਦੇ ਹਨ) ਤੱਕ ਨਾ ਪਹੁੰਚ ਸਕਣ
• ਬੱਚੇਦਾਨੀ ਦੀ ਪਰਤ ਨੂੰ ਪਤਲਾ ਕਰਨਾ, ਜੇਕਰ ਕੋਈ ਅੰਡਾ ਫਰਟੀਲਾਈਜ਼ ਹੋ ਜਾਂਦਾ ਹੈ ਤਾਂ ਇਸਦੇ ਇਮਪਲਾਂਟ ਹੋਣ ਅਤੇ ਗਰਭ ਅਵਸਥਾ ਸ਼ੁਰੂ ਕਰਨ ਦੀ ਸੰਭਾਵਨਾ ਘੱਟ ਹੁੰਦੀ ਹੈ

ਗਰਭ ਅਵਸਥਾ ਨੂੰ ਰੋਕਣ ਲਈ ਗੋਲੀ ਤੇਜ਼ੀ ਨਾਲ ਕੰਮ ਕਰਨਾ ਸ਼ੁਰੂ ਕਰ ਸਕਦੀ ਹੈ, ਪਰ ਇਸਦਾ ਸਮਾਂ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਤੁਸੀਂ ਇਸਨੂੰ ਆਪਣੇ ਮਾਹਵਾਰੀ ਚੱਕਰ ਵਿੱਚ ਕਦੋਂ ਲੈਣਾ ਸ਼ੁਰੂ ਕਰਦੇ ਹੋ।

ਜੇ ਤੁਸੀਂ ਆਪਣੀ ਮਾਹਵਾਰੀ ਸ਼ੁਰੂ ਹੋਣ ਦੇ ਪਹਿਲੇ 5 ਦਿਨਾਂ ਦੇ ਅੰਦਰ ਗੋਲੀ ਲੈਣੀ ਸ਼ੁਰੂ ਕਰਦੇ ਹੋ, ਤਾਂ ਤੁਸੀਂ ਤੁਰੰਤ ਸੁਰੱਖਿਅਤ ਹੋ ਜਾਂਦੇ ਹੋ। ਇਹ ਤਰੀਕਾ ਇਹ ਵੀ ਯਕੀਨੀ ਬਣਾਉਂਦਾ ਹੈ ਕਿ ਜਦੋਂ ਤੁਸੀਂ ਪਹਿਲੀ ਵਾਰ ਗੋਲੀ ਲੈਣੀ ਸ਼ੁਰੂ ਕਰਦੇ ਹੋ ਤਾਂ ਤੁਸੀਂ ਗਰਭਵਤੀ ਨਹੀਂ ਹੋ।

ਜੇ ਤੁਸੀਂ ਆਪਣੀ ਪਿਛਲੀ ਮਾਹਵਾਰੀ ਸ਼ੁਰੂ ਹੋਣ ਦੇ 5 ਦਿਨਾਂ ਤੋਂ ਵਧੇਰੇ ਸਮੇਂ ਬਾਅਦ ਗੋਲੀ ਲੈਣੀ ਸ਼ੁਰੂ ਕਰਦੇ ਹੋ, ਤਾਂ ਤੁਹਾਨੂੰ ਲਗਾਤਾਰ 7 ਦਿਨਾਂ ਲਈ ਕਿਰਿਆਸ਼ੀਲ ਗੋਲੀ ਲੈਣ ਦੀ ਲੋੜ ਹੈ, ਤਾਂ ਜੋ ਤੁਸੀਂ ਸੁਰੱਖਿਅਤ ਹੋ ਸਕੋ। ਗਰਭਅਵਸਥਾ ਨੂੰ ਰੋਕਣ ਲਈ ਬੈਕਅੱਪ ਗਰਭਨਿਰੋਧਕ (ਉਦਾਹਰਨ ਲਈ ਕੰਡੋਮ) ਦੀ ਵਰਤੋਂ ਕਰੋ ਜਾਂ ਗਰਭਅਵਸਥਾ ਨੂੰ ਰੋਕਣ ਲਈ ਪਹਿਲੇ 7 ਦਿਨਾਂ ਤੱਕ ਸੰਭੋਗ ਕਰਨ ਤੋਂ ਪਰਹੇਜ਼ ਕਰੋ। ਜੇ ਤੁਸੀਂ ਆਪਣੀ ਮਾਹਵਾਰੀ ਅਤੇ ਪਹਿਲੀ ਗੋਲੀ ਲੈਣ ਵਿਚਕਾਰ ਅਸੁਰੱਖਿਅਤ ਸੰਭੋਗ ਕੀਤਾ ਹੈ, ਤਾਂ ਤੁਹਾਡੇ ਅਸੁਰੱਖਿਅਤ ਸੰਭੋਗ ਕਰਨ ਦੇ 3 ਹਫਤਿਆਂ ਬਾਅਦ ਗਰਭਅਵਸਥਾ ਟੈਸਟ ਕਰਨਾ ਇੱਕ ਵਧੀਆ ਵਿਚਾਰ ਹੈ।

ਆਮ ਵਰਤੋਂ: 93٪ ਪ੍ਰਭਾਵਸ਼ਾਲੀ।

ਸਹੀ ਵਰਤੋਂ: 99.7٪ ਪ੍ਰਭਾਵਸ਼ਾਲੀ।

• ਹਰ ਰੋਜ਼ ਇੱਕ ਗੋਲੀ ਲਓ।
• ਕਿਰਿਆਸ਼ੀਲ ਗੋਲ਼ੀਆਂ ਨੂੰ ਨਾ ਛੱਡੋ।
• ਪਿਛਲੇ ਪੈਕਾਂ ਨੂੰ ਪੂਰਾ ਕਰਨ ਦੇ ਬਾਅਦ ਸਮਾਂ-ਸਾਰਣੀ ਅਨੁਸਾਰ ਨਵੇਂ ਪੈਕ ਸ਼ੁਰੂ ਕਰੋ।
• ਜੇ ਤੁਹਾਨੂੰ ਗੈਸਟਰੋਇੰਟੇਸਟਾਈਨਲ ਲੱਛਣਾਂ ਜਿਵੇਂ ਕਿ ਉਲਟੀਆਂ ਜਾਂ ਤੀਬਰ ਦਸਤ ਦਾ ਤਜ਼ਰਬਾ ਹੁੰਦਾ ਹੈ, ਤਾਂ ਗੋਲੀ ਦੇ ਪੈਕਟ 'ਤੇ ਦਿੱਤੀਆਂ ਹਦਾਇਤਾਂ ਦੀ ਪਾਲਣਾ ਕਰੋ।

ਕੁਝ ਕੁ ਲੋਕ ਹਰ ਰੋਜ਼ ਆਪਣੀ ਗੋਲੀ ਲੈਣਾ ਯਾਦ ਰੱਖਣ ਵਿੱਚ ਮਦਦ ਕਰਨ ਲਈ ਅਲਾਰਮ ਜਾਂ ਰੀਮਾਈਂਡਰ ਸੈੱਟ ਕਰਦੇ ਹਨ।

ਗੋਲੀ ਘੱਟ ਅਸਰਦਾਰ ਹੁੰਦੀ ਹੈ ਜੇ ਤੁਸੀਂ:

• ਕਿਰਿਆਸ਼ੀਲ ਗੋਲੀਆਂ ਤੋਂ ਖੁੰਝ ਜਾਂਦੇ ਹਨ
• ਤੁਹਾਨੂੰ ਉਲਟੀਆਂ ਆਉਂਦੀਆਂ ਹਨ ਜਾਂ ਤੀਬਰ ਦਸਤ ਲੱਗੇ ਹਨ

ਗੋਲ਼ੀ ਦੇ ਪੈਕਟ ਵਿੱਚ ਆਉਣ ਵਾਲੀ ਜਾਣਕਾਰੀ ਸ਼ੀਟ ਤੁਹਾਨੂੰ ਇਸ ਬਾਰੇ ਹਿਦਾਇਤਾਂ ਦੇਵੇਗੀ ਕਿ ਜੇ ਅਜਿਹਾ ਵਾਪਰਦਾ ਹੈ ਤਾਂ ਕੀ ਕਰਨਾ ਹੈ। ਇਹਨਾਂ ਮਾਮਲਿਆਂ ਵਿੱਚ, ਗਰਭਅਵਸਥਾ ਨੂੰ ਰੋਕਣ ਲਈ, ਜਾਂ ਸੰਭੋਗ ਕਰਨ ਤੋਂ ਪਰਹੇਜ਼ ਕਰਨ ਲਈ, ਤੁਹਾਨੂੰ ਗਰਭ ਨਿਰੋਧਕ ਦੀ ਕਿਸੇ ਹੋਰ ਕਿਸਮ (ਉਦਾਹਰਨ ਲਈ ਕੰਡੋਮ) ਦੀ ਵਰਤੋਂ ਕਰਨ ਦੀ ਲੋੜ ਪੈ ਸਕਦੀ ਹੈ, ਜਦੋਂ ਤੱਕ ਕਿ ਤੁਹਾਨੂੰ ਆਪਣੇ ਲਈ ਸਹੀ ਵਿਕਲਪ ਨਹੀਂ ਮਿਲ ਜਾਂਦਾ।

ਕੁਝ ਕੁ ਦਵਾਈਆਂ ਗੋਲ਼ੀ ਦੀ ਪ੍ਰਭਾਵਸ਼ੀਲਤਾ ਨੂੰ ਘੱਟ ਕਰ ਦਿੰਦੀਆਂ ਹਨ, ਜਿੰਨ੍ਹਾਂ ਵਿੱਚ ਸ਼ਾਮਲ ਹਨ:

• ਕੁਝ ਐਂਟੀਬਾਇਓਟਿਕ ਦਵਾਈਆਂ
• ਮਿਰਗੀ ਦੀਆਂ ਕੁਝ ਦਵਾਈਆਂ

ਕਿਸੇ ਸਿਹਤ-ਸੰਭਾਲ ਪੇਸ਼ੇਵਰ ਕੋਲੋਂ ਇਹ ਪੜਤਾਲ ਕਰਨਾ ਸਭ ਤੋਂ ਵਧੀਆ ਹੈ ਕਿ ਕੀ ਤੁਹਾਡੇ ਵੱਲੋਂ ਲਈਆਂ ਜਾਣ ਵਾਲੀਆਂ ਕੋਈ ਨਵੀਆਂ ਜਾਂ ਵਰਤਮਾਨ ਦਵਾਈਆਂ ਜਾਂ ਪੂਰਕ ਗੋਲੀ ਦੀ ਪ੍ਰਭਾਵਸ਼ੀਲਤਾ ਨੂੰ ਘਟਾ ਦੇਣਗੇ।

ਨਹੀਂ

ਸਿਰਫ ਅੰਦਰੂਨੀ ਅਤੇ ਬਾਹਰੀ ਕੰਡੋਮ ਹੀ STI ਤੋਂ ਬਚਾਉਣ ਵਾਲੇ ਗਰਭ ਨਿਰੋਧਕ ਹਨ।

ਗੋਲੀ ਨੂੰ ਰੋਜ਼ਾਨਾ ਲੈਣ ਦੀ ਜ਼ਰੂਰਤ ਹੈ।

ਡਾਕਟਰੀ ਨੁਸਖਾ 3-12 ਮਹੀਨਿਆਂ ਤੱਕ ਵੈਧ ਹੋ ਸਕਦਾ ਹੈ। ਕੁਝ ਸਿਹਤ-ਸੰਭਾਲ ਪੇਸ਼ੇਵਰ ਤੁਹਾਨੂੰ ਉਨ੍ਹਾਂ ਨੂੰ ਵਾਰ-ਵਾਰ ਮਿਲਣ ਦੀ ਲੋੜ ਨੂੰ ਘਟਾਉਣ ਲਈ ਦੁਹਰਾਉਣ ਵਾਲਾ ਨੁਸਖ਼ਾ ਪ੍ਰਦਾਨ ਕਰ ਸਕਦੇ ਹਨ।

ਗੋਲੀ ਦੀ ਵਰਤੋਂ ਗੁਪਤ ਰੂਪ ਵਿੱਚ ਕਰਨਾ ਸੰਭਵ ਹੈ।

ਹਾਲਾਂਕਿ, ਇਹ ਸੰਭਵ ਹੈ ਕਿ ਕੋਈ ਗੋਲੀ ਦੇ ਪੈਕੇਟ, ਰੀਮਾਈਂਡਰ ਅਲਾਰਮ, ਜਾਂ ਤੁਹਾਨੂੰ ਇਸ ਨੂੰ ਲੈਂਦੇ ਹੋਏ ਦੇਖ ਸਕਦਾ ਹੈ।

ਸਾਰੀਆਂ ਦਵਾਈਆਂ ਵਾਂਗ, ਕੁਝ ਲੋਕ ਮਾੜੇ ਪ੍ਰਭਾਵਾਂ ਦਾ ਅਨੁਭਵ ਕਰ ਸਕਦੇ ਹਨ।

ਕੁਝ ਸੰਭਾਵੀ ਮਾੜੇ ਪ੍ਰਭਾਵਾਂ ਵਿੱਚ ਇਹ ਸ਼ਾਮਲ ਹਨ:

• ਮਤਲੀ
• ਸਿਰ ਦਰਦ
• ਛਾਤੀ ਵਿੱਚ ਦਰਦ
• ਧੱਬੇ (ਹਲਕਾ ਖੂਨ ਵਗਣਾ ਜੋ ਤੁਹਾਡੀ ਮਾਹਵਾਰੀ ਨਹੀਂ ਹੈ)
• ਮੂਡ ਵਿੱਚ ਤਬਦੀਲੀਆਂ
• ਕਾਮੁਕਤਾ ਵਿੱਚ ਕਮੀ (ਸੰਭੋਗ ਵਿੱਚ ਘੱਟ ਦਿਲਚਸਪੀ)
• ਤੁਹਾਡੇ ਚਿਹਰੇ 'ਤੇ ਛੋਟੇ ਭੂਰੇ ਧੱਬੇ ਜਾਂ ਛਾਈ (ਜਿਸਨੂੰ ਮੇਲਾਸਮਾ ਕਹਿੰਦੇ ਹਨ)

ਮਾੜੇ ਪ੍ਰਭਾਵ ਵੱਖ-ਵੱਖ ਗੋਲ਼ੀਆਂ ਅਤੇ ਵੱਖ-ਵੱਖ ਲੋਕਾਂ ਵਿਚਕਾਰ ਭਿੰਨ ਹੁੰਦੇ ਹਨ। ਕੁਝ ਕੁ ਲੋਕਾਂ ਨੂੰ ਗੋਲੀ ਲੈਣ ਦੌਰਾਨ ਕੋਈ ਮਾੜੇ ਪ੍ਰਭਾਵਾਂ ਦਾ ਤਜ਼ਰਬਾ ਨਹੀਂ ਹੁੰਦਾ ਜਾਂ ਸਕਾਰਾਤਮਕ ਤਬਦੀਲੀਆਂ ਦਾ ਅਨੁਭਵ ਹੁੰਦਾ ਹੈ। ਮਾੜੇ ਪ੍ਰਭਾਵ ਕੁਝ ਮਹੀਨਿਆਂ ਬਾਅਦ ਠੀਕ ਹੋ ਸਕਦੇ ਹਨ। ਜੇ ਕਿਸੇ ਵਿਸ਼ੇਸ਼ ਗੋਲੀ ਦੇ ਮਾੜੇ ਪ੍ਰਭਾਵ ਤੁਹਾਨੂੰ ਪਰੇਸ਼ਾਨ ਕਰਦੇ ਹਨ, ਤਾਂ ਤੁਹਾਨੂੰ ਕਿਸੀ ਵੱਖਰੀ ਗੋਲੀ ਜਾਂ ਕਿਸੇ ਵੱਖਰੇ ਕਿਸਮ ਦੀ ਗਰਭ ਨਿਰੋਧਕ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।

ਕੁਝ ਆਮ ਸਿਹਤ ਅਵਸਥਾਵਾਂ ਅਤੇ ਜੀਵਨਸ਼ੈਲੀ ਕਾਰਕ ਜੋ ਤੁਹਾਨੂੰ ਗੋਲੀ ਦੀ ਵਰਤੋਂ ਕਰਨ ਤੋਂ ਰੋਕ ਸਕਦੇ ਹਨ, ਉਹਨਾਂ ਵਿੱਚ ਸ਼ਾਮਲ ਹਨ:

• 50 ਸਾਲ ਤੋਂ ਵੱਧ ਉਮਰ ਦਾ ਹੋਣਾ
• ਵਰਤਮਾਨ ਬਾਡੀ ਮਾਸ ਇੰਡੈਕਸ (BMI) 35kg/m2 ਤੋਂ ਵੱਧ ਹੋਣਾ
• 35 ਸਾਲ ਜਾਂ ਇਸਤੋਂ ਵੱਡੀ ਉਮਰ ਦਾ ਤੰਬਾਕੂਨੋਸ਼ੀ ਕਰਨ ਵਾਲਾ (ਵੈਪਿੰਗ ਵੀ ਸ਼ਾਮਲ ਹੈ)
• ਖੂਨ ਦੇ ਗਤਲਿਆਂ ਦਾ ਇਤਿਹਾਸ, ਜਾਂ ਖੂਨ ਦੇ ਗਤਲਿਆਂ ਦਾ ਮਜ਼ਬੂਤ ਪਰਿਵਾਰਕ ਇਤਿਹਾਸ
• ਮਾਈਗਰੇਨ ਸਿਰ ਦਰਦ
• ਹਾਈ ਬਲੱਡ ਪ੍ਰੈਸ਼ਰ
• ਸਟਰੋਕ ਦਾ ਇਤਿਹਾਸ
• ਦਿਲ ਦੀ ਬਿਮਾਰੀ (ਵਰਤਮਾਨ ਜਾਂ ਅਤੀਤ)
• ਛਾਤੀ ਦਾ ਕੈਂਸਰ (ਵਰਤਮਾਨ ਜਾਂ ਅਤੀਤ), ਜਿਸ ਵਿੱਚ ਛਾਤੀ ਦੇ ਕੈਂਸਰ ਦਾ ਮਜ਼ਬੂਤ ਪਰਿਵਾਰਕ ਇਤਿਹਾਸ ਵੀ ਸ਼ਾਮਲ ਹੈ
• ਜਿਗਰ ਦੀ ਤੀਬਰ ਬਿਮਾਰੀ ਜਾਂ ਜਿਗਰ ਦਾ ਕੈਂਸਰ
• ਮਿਰਗੀ-ਵਿਰੋਧੀ ਜਾਂ ਦੌਰੇ ਦੀਆਂ ਕੁਝ ਵਿਸ਼ੇਸ਼ ਕਿਸਮਾਂ ਦੀ ਦਵਾਈ ਲੈਣਾ

ਆਪਣੇ ਲਈ ਸਭ ਤੋਂ ਸੁਰੱਖਿਅਤ ਅਤੇ ਢੁਕਵੇਂ ਗਰਭਨਿਰੋਧਕ ਵਿਕਲਪ ਦਾ ਫੈਸਲਾ ਲੈਂਦੇ ਸਮੇਂ ਕਿਸੇ ਸਿਹਤ-ਸੰਭਾਲ ਪੇਸ਼ੇਵਰ ਨਾਲ ਆਪਣੇ ਪੂਰੇ ਡਾਕਟਰੀ ਇਤਿਹਾਸ ਬਾਰੇ ਗੱਲ ਕਰਨਾ ਮਹੱਤਵਪੂਰਨ ਹੈ।

ਤੁਹਾਨੂੰ ਡਾਕਟਰੀ ਨੁਸਖੇ ਦੀ ਲੋੜ ਪਵੇਗੀ। ਤੁਸੀਂ ਇਹ ਕਿਸੇ ਡਾਕਟਰ ਕੋਲੋਂ (ਕਿਸੀ ਜੀ.ਪੀ. ਜਾਂ ਸਬੰਧਿਤ ਮਾਹਿਰ, ਉਦਾਹਰਨ ਲਈ ਗਾਈਨਾਕੋਲੋਜਿਸਟ), ਨਰਸ ਪ੍ਰੈਕਟੀਸ਼ਨਰ ਜਾਂ ਫਾਰਮਾਸਿਸਟ (ਕੁਝ ਰਾਜਾਂ ਅਤੇ ਖਿੱਤਿਆਂ ਵਿੱਚ) ਕੋਲੋਂ ਪ੍ਰਾਪਤ ਕਰ ਸਕਦੇ ਹੋ। ਉਹਨਾਂ ਨੂੰ ਤੁਹਾਡੇ ਡਾਕਟਰੀ ਇਤਿਹਾਸ ਬਾਰੇ ਸਵਾਲ ਪੁੱਛਣੇ ਚਾਹੀਦੇ ਹਨ ਅਤੇ ਉਹ ਤੁਹਾਡੇ ਲਈ ਦਵਾਈ ਲਿਖਣ ਤੋਂ ਪਹਿਲਾਂ ਕੁਝ ਟੈਸਟ ਕਰ ਸਕਦੇ ਹਨ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਗੋਲੀ ਤੁਹਾਡੇ ਲਈ ਸੁਰੱਖਿਅਤ ਵਿਕਲਪ ਹੈ।

ਤੁਸੀਂ ਡਾਕਟਰੀ ਨੁਸਖਾ ਇਥੋਂ ਪ੍ਰਾਪਤ ਕਰ ਸਕਦੇ ਹੋਂ:

• ਜੀ.ਪੀ. ਕਲੀਨਿਕ
• ਕਿਸੇ ਮਾਹਰ ਨਾਲ ਅਪੌਇੰਟਮੈਂਟ ਰਾਹੀਂ
• ਟੈਲੀਹੈਲਥ ਅਪੌਇੰਟਮੈਂਟ (ਔਨਲਾਈਨ ਜਾਂ ਫ਼ੋਨ 'ਤੇ)
• ਜਿਨਸੀ ਸਿਹਤ ਕਲੀਨਿਕ
• ਪਰਿਵਾਰ ਨਿਯੋਜਨ ਕਲੀਨਿਕ
• ਫਾਰਮੇਸੀਆਂ (ਕੁਝ ਰਾਜਾਂ ਅਤੇ ਖਿੱਤਿਆਂ ਵਿੱਚ)

ਜਦੋਂ ਤੁਹਾਡੇ ਕੋਲ ਕੋਈ ਡਾਕਟਰੀ ਨੁਸਖਾ ਹੁੰਦਾ ਹੈ, ਤਾਂ ਤੁਸੀਂ ਗੋਲੀ ਨੂੰ ਜ਼ਿਆਦਾਤਰ ਫਾਰਮੇਸੀਆਂ ਤੋਂ ਖਰੀਦ ਸਕਦੇ ਹੋ, ਜਿਸ ਵਿੱਚ ਆਨਲਾਈਨ ਫਾਰਮੇਸੀਆਂ ਤੋਂ ਖਰੀਦਣਾ ਵੀ ਸ਼ਾਮਲ ਹੈ।

ਗੋਲੀ ਦੀ ਕੀਮਤ ਬ੍ਰਾਂਡ ਦੇ ਅਧਾਰ ਤੇ ਵੱਖਰੀ ਹੋ ਸਕਦੀ ਹੈ। ਕੁਝ ਗੋਲੀਆਂ ਫਾਰਮਾਸਿਊਟੀਕਲ ਬੈਨੀਫਿਟਸ ਸਕੀਮ (PBS) 'ਤੇ ਸੂਚੀਬੱਧ ਹਨ, ਜੋ ਮੌਜੂਦਾ ਮੈਡੀਕਲ ਕਾਰਡ ਧਾਰਕਾਂ ਲਈ ਇਹਨਾਂ ਨੂੰ ਸਸਤਾ ਬਣਾਉਂਦੀ ਹੈ।

ਕਿਸੇ ਡਾਕਟਰੀ ਨੁਸਖੇ ਦੀ ਹਰੇਕ ਦੁਹਰਾਈ ਆਮ ਤੌਰ 'ਤੇ 3 ਮਹੀਨਿਆਂ ਤੱਕ ਰਹਿੰਦੀ ਹੈ ਪਰ ਇਹ 1-4 ਮਹੀਨਿਆਂ ਵਿਚਕਾਰ ਵੱਖਰੀ ਹੋ ਸਕਦੀ ਹੈ। ਹਰੇਕ ਦੁਹਰਾਉਣ ਲਈ ਖਰਚੇ ਇਹ ਹਨ:

• ਪੀਬੀਐਸ-ਸੂਚੀਬੱਧ ਗੋਲੀਆਂ: $25 ਤੱਕ
• ਰਿਆਇਤੀ ਕਾਰਡ ਧਾਰਕਾਂ ਲਈ ਪੀਬੀਐਸ-ਸੂਚੀਬੱਧ ਗੋਲੀਆਂ: $7.70 ਤੱਕ
• ਗੈਰ-ਪੀਬੀਐਸ ਸੂਚੀਬੱਧ ਗੋਲੀਆਂ: $30-100 ਦੇ ਵਿਚਕਾਰ

ਹਾਲਾਂਕਿ ਕੁਝ ਸਿਹਤ ਸੰਭਾਲ ਪੇਸ਼ੇਵਰ ਥੋਕ ਬਿੱਲ ਦਿੰਦੇ ਹਨ (ਜਿਸਦਾ ਅਰਥ ਹੈ ਕਿ ਤੁਸੀਂ ਉਨ੍ਹਾਂ ਨੂੰ ਮਿਲਣ ਲਈ ਕੁਝ ਵੀ ਨਹੀਂ ਦੇਵੋਗੇ), ਕੁਝ ਤੁਹਾਡੇ ਡਾਕਟਰੀ ਨੁਸਖੇ ਲਈ ਲੋੜੀਂਦੀ ਅਪੌਇੰਟਮੈਂਟ ਵਾਸਤੇ ਤੁਹਾਡੇ ਤੋਂ ਫੀਸ ਲੈ ਸਕਦੇ ਹਨ।

ਨਹੀਂ, ਗੋਲੀ ਲੰਮੇ ਸਮੇਂ ਦੀ ਜਣਨ ਸ਼ਕਤੀ ਨੂੰ ਪ੍ਰਭਾਵਤ ਨਹੀਂ ਕਰਦੀ ਹੈ।

ਤੁਹਾਡੇ ਵੱਲੋਂ ਗੋਲੀ ਲੈਣੀ ਬੰਦ ਕਰਨ ਦੇ ਤੁਰੰਤ ਬਾਅਦ ਤੁਹਾਡੀ ਜਣਨ ਸ਼ਕਤੀ ਸਾਧਾਰਨ ਹੋ ਜਾਣੀ ਚਾਹੀਦੀ ਹੈ, ਪਰ ਤੁਹਾਡੇ ਮਾਹਵਾਰੀ ਚੱਕਰ ਨੂੰ ਠੀਕ ਹੋਣ ਵਿੱਚ ਥੋੜ੍ਹਾ ਸਮਾਂ ਲੱਗ ਸਕਦਾ ਹੈ।

ਜੇ ਤੁਸੀਂ ਆਪਣੇ ਬੱਚੇ ਨੂੰ ਛਾਤੀ ਦਾ ਦੁੱਧ ਪਿਲਾ ਰਹੇ ਹੋ, ਤਾਂ ਤੁਹਾਨੂੰ ਗੋਲੀ ਦੀ ਵਰਤੋਂ ਕਰਨ ਲਈ ਤਦੋਂ ਤੱਕ ਇੰਤਜ਼ਾਰ ਕਰਨ ਦੀ ਜ਼ਰੂਰਤ ਹੋਏਗੀ ਜਦੋਂ ਤੱਕ ਕਿ ਤੁਹਾਡਾ ਬੱਚਾ ਘੱਟੋ ਘੱਟ 6 ਹਫਤਿਆਂ ਦਾ ਨਹੀਂ ਹੋ ਜਾਂਦਾ। ਜੇ ਤੁਸੀਂ ਆਪਣੇ ਬੱਚੇ ਨੂੰ ਛਾਤੀ ਦਾ ਦੁੱਧ ਨਹੀਂ ਪਿਲਾ ਰਹੇ ਹੋ, ਤਾਂ ਤੁਹਾਡੇ ਬੱਚੇ ਦੀ ਉਮਰ 3 ਤੋਂ 6 ਹਫਤਿਆਂ ਦੀ ਹੋਣ ਤੋਂ ਬਾਅਦ ਤੁਸੀਂ ਗੋਲੀ ਦੀ ਵਰਤੋਂ ਕਰਨ ਦੇ ਯੋਗ ਹੋ ਸਕਦੇ ਹੋ।

ਕਿਸੇ ਸਿਹਤ-ਸੰਭਾਲ ਪੇਸ਼ੇਵਰ ਕੋਲੋਂ ਇਹ ਪੜਤਾਲ ਕਰਨਾ ਮਹੱਤਵਪੂਰਨ ਹੈ ਕਿ ਇਸ ਗਰਭਨਿਰੋਧਕ ਦੀ ਵਰਤੋਂ ਕਰਨ ਲਈ ਤੁਹਾਡੇ ਵਾਸਤੇ ਕਿਹੜਾ ਸਮਾਂ ਸਭ ਤੋਂ ਸੁਰੱਖਿਅਤ ਅਤੇ ਢੁਕਵਾਂ ਹੈ।