ਨਸਬੰਦੀ

'ਸਨਿੱਪ'।

ਇੱਕ ਛੋਟੀ ਜਿਹੀ ਸਰਜਰੀ ਪ੍ਰਕਿਰਿਆ ਜੋ ਉਹਨਾਂ ਟਿਊਬਾਂ ਨੂੰ ਰੋਕਦੀ ਹੈ ਜੋ ਅੰਡਕੋਸ਼ ਤੋਂ ਲਿੰਗ ਤੱਕ ਸ਼ੁਕਰਾਣੂਆਂ ਨੂੰ ਲੈ ਜਾਂਦੀਆਂ ਹਨ।

ਨਸਬੰਦੀ ਗਰਭਅਵਸਥਾ ਨੂੰ ਰੋਕਣ ਦਾ ਸਥਾਈ ਤਰੀਕਾ ਹੈ।

• ਗਰਭ ਅਵਸਥਾ ਨੂੰ ਰੋਕਣਾ।

ਨਸਬੰਦੀ ਕਲੀਨਿਕ ਵਿੱਚ ਕੀਤੀ ਜਾਣ ਵਾਲੀ ਛੋਟੀ ਜਿਹੀ ਸਰਜੀਕਲ ਪ੍ਰਕਿਰਿਆ ਹੁੰਦੀ ਹੈ ਜੋ ਸਥਾਨਕ ਬੇਹੋਸ਼ੀ ਦੇ ਅਧੀਨ ਕੀਤੀ ਜਾਂਦੀ ਹੈ। ਤੁਸੀਂ ਜਾਗ ਰਹੇ ਹੋਂਦੇ ਹੋ ਪਰ ਦਰਦ ਮਹਿਸੂਸ ਨਹੀਂ ਕਰਦੇ। ਪ੍ਰਕਿਰਿਆ ਨੂੰ ਆਮ ਤੌਰ 'ਤੇ 10-30 ਮਿੰਟਾਂ ਦਾ ਸਮਾਂ ਲੱਗਦਾ ਹੈ।

ਨਸਬੰਦੀ ਦੇ ਦੌਰਾਨ, ਵੈਸ ਡੇਫਰੈਂਸ (ਉਹ ਟਿਊਬਾਂ ਜੋ ਸ਼ੁਕਰਾਣੂਆਂ ਨੂੰ ਅੰਡਕੋਸ਼ ਤੋਂ ਲਿੰਗ ਤੱਕ ਲੈ ਜਾਂਦੀਆਂ ਹਨ) ਨੂੰ ਇੱਕ ਛੋਟਾ ਜਿਹਾ ਕੱਟ ਦਿੱਤਾ ਜਾਂਦਾ ਹੈ। ਫਿਰ ਉਨ੍ਹਾਂ ਨੂੰ ਆਮ ਤੌਰ 'ਤੇ ਸੀਲ ਕੀਤਾ ਜਾਂਦਾ ਹੈ ਜਾਂ ਬੰਨ੍ਹਿਆ ਜਾਂਦਾ ਹੈ। ਇਹ ਸ਼ੁਕਰਾਣੂਆਂ ਨੂੰ ਲਿੰਗ ਤੱਕ ਪਹੁੰਚਣ ਤੋਂ ਰੋਕਦਾ ਹੈ ਅਤੇ ਇਸ ਲਈ ਇਹ ਵੀਰਜ ਵਿੱਚ ਨਹੀਂ ਮਿਲ ਸਕਦਾ। ਇਸਦਾ ਅਰਥ ਇਹ ਹੈ ਕਿ ਨਿਕਾਸ (ਕਮ) ਵਿੱਚ ਸ਼ੁਕਰਾਣੂ ਨਹੀਂ ਹੁੰਦਾ, ਅਤੇ ਅੰਡੇ ਨੂੰ ਫਰਟੀਲਾਈਜ ਨਹੀਂ ਕੀਤਾ ਜਾ ਸਕਦਾ।

ਜਦੋਂ ਕਿ ਤੁਹਾਡਾ ਵੀਰਜ ਸ਼ੁਕਰਾਣੂ-ਮੁਕਤ ਹੁੰਦਾ ਹੈ, ਇਹ ਅਜੇ ਵੀ ਉਹੀ ਦਿਖਦਾ ਅਤੇ ਮਹਿਸੂਸ ਹੁੰਦਾ ਹੈ। ਨਸਬੰਦੀ ਤੁਹਾਡੇ ਹਾਰਮੋਨਾਂ, ਲਿੰਗ ਲਗਣ, ਜਾਂ ਸੰਭੋਗ ਦੀ ਇੱਛਾ ਨੂੰ ਪ੍ਰਭਾਵਿਤ ਨਹੀਂ ਕਰਦੀ।

ਨਸਬੰਦੀ ਤੁਰੰਤ ਕੰਮ ਨਹੀਂ ਕਰਦੀ। ਸ਼ੁਕਰਾਣੂ ਅਜੇ ਵੀ ਪ੍ਰਕਿਰਿਆ ਦੇ ਬਾਅਦ ਹਫ਼ਤਿਆਂ ਜਾਂ ਮਹੀਨਿਆਂ ਤੱਕ ਵੀਰਜ ਵਿੱਚ ਮੌਜੂਦ ਹੋ ਸਕਦੇ ਹਨ। ਗਰਭਨਿਰੋਧਕ ਦੇ ਰੂਪ ਵਿੱਚ ਨਸਬੰਦੀ 'ਤੇ ਭਰੋਸਾ ਕਰਨ ਤੋਂ ਪਹਿਲਾਂ ਇਹ ਪੁਸ਼ਟੀ ਕਰਨ ਲਈ ਫਾਲੋ-ਅਪ ਟੈਸਟਿੰਗ ਕੀਤੀ ਜਾਣੀ ਚਾਹੀਦੀ ਹੈ ਕਿ ਕੋਈ ਸ਼ੁਕਰਾਣੂ ਮੌਜ਼ੂਦ ਨਹੀਂ ਹੈ। ਇਹ ਵੀਰਜ ਟੈਸਟ ਆਮ ਤੌਰ 'ਤੇ ਪ੍ਰਕਿਰਿਆ ਦੇ ਲੱਗਭਗ 3 ਮਹੀਨੇ (12 ਹਫਤੇ) ਬਾਅਦ ਕੀਤਾ ਜਾਂਦਾ ਹੈ।

99.9% ਪ੍ਰਭਾਵਸ਼ਾਲੀ।

ਨਸਬੰਦੀ ਦਾ ਵੱਧ ਤੋਂ ਵੱਧ ਸੰਭਵ ਪ੍ਰਭਾਵਸ਼ਾਲੀ ਕੰਮ ਕਰਨ ਲਈ , ਇਸਨੂੰ ਸਹੀ ਢੰਗ ਨਾਲ ਕਰਨ ਅਤੇ ਇਸਦੀ ਕੰਮ ਕਰਨ ਦੀ ਪੁਸ਼ਟੀ ਕਰਨ ਲਈ ਜਾਂਚਾਂ ਦੀ ਲੋੜ ਹੁੰਦੀ ਹੈ। ਇਸ ਦਾ ਅਰਥ ਹੈ:

• ਪ੍ਰਕਿਰਿਆ ਨੂੰ ਕਿਸੇ ਸਿਖਿਅਤ ਕਲੀਨਿਸ਼ੀਅਨ ਦੁਆਰਾ ਕਰਵਾਓ
• ਪ੍ਰਕਿਰਿਆ ਤੋਂ ਬਾਅਦ ਸੰਭਾਲ ਦੀਆਂ ਹਿਦਾਇਤਾਂ ਦੀ ਪਾਲਣਾ ਕਰੋ
• ਨਸਬੰਦੀ ਦੀ ਸਫਲਤਾ ਦੀ ਪੁਸ਼ਟੀ ਹੋਣ ਤੱਕ ਗਰਭਨਿਰੋਧਕ ਦੀ ਕਿਸੇ ਹੋਰ ਕਿਸਮ ਦੀ ਵਰਤੋਂ ਕਰੋ
• ਸਲਾਹ ਅਨੁਸਾਰ ਫਾਲੋ-ਅਪ ਵੀਰਜ ਟੈਸਟ ਕਰਵਾਓ ਤਾਕਿ ਇਹਪੁਸ਼ਟੀ ਕੀਤੀ ਜਾ ਸਕੇ ਕਿ ਵੀਰਜ ਵਿੱਚ ਕੋਈ ਸ਼ੁਕਰਾਣੂ ਮੌਜੂਦ ਨਹੀਂ ਹੈ
• ਨਸਬੰਦੀ ਦੀ ਸਫਲਤਾ ਦੀ ਪੁਸ਼ਟੀ ਹੋਣ ਦੇ ਬਾਅਦ ਹੀ ਗਰਭ ਨਿਰੋਧਕ ਵਾਸਤੇ ਨਸਬੰਦੀ 'ਤੇ ਨਿਰਭਰ ਕਰੋ

ਇੱਕ ਵਾਰ ਜਦੋਂ ਨਸਬੰਦੀ ਸਹੀ ਢੰਗ ਨਾਲ ਕੀਤੀ ਜਾਂਦੀ ਹੈ ਅਤੇ ਫਾਲੋ-ਅਪ ਟੈਸਟਿੰਗ ਇਸ ਗੱਲ ਦੀ ਪੁਸ਼ਟੀ ਕਰਦੀ ਹੈ ਕਿ ਇਹ ਕੰਮ ਕਰ ਰਿਹਾ ਹੈ, ਤਾਂ ਇਹ ਗਰਭ ਨਿਰੋਧਕ ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਰੂਪਾਂ ਵਿੱਚੋਂ ਇੱਕ ਹੈ। ਦਵਾਈਆਂ ਅਤੇ ਰੋਜ਼ਾਨਾ ਕਿਰਿਆਵਾਂ ਇਸ ਦੇ ਕੰਮ ਕਰਨ ਦੇ ਤਰੀਕੇ ਨੂੰ ਪ੍ਰਭਾਵਿਤ ਨਹੀਂ ਕਰਦੀਆਂ।

ਹਾਲਾਂਕਿ, ਬਹੁਤ ਘੱਟ ਮਾਮਲਿਆਂ ਵਿੱਚ, ਕੱਟੀਆਂ ਗਈਆਂ ਟਿਊਬਾਂ ਨਸਬੰਦੀ ਤੋਂ ਬਾਅਦ ਆਪਣੇ ਆਪ ਦੁਬਾਰਾ ਜੁੜ ਸਕਦੀਆਂ ਹਨ। ਤੁਹਾਡਾ ਮਾਹਰ ਇਸ ਬਾਰੇ ਤੁਹਾਡੇ ਨਾਲ ਗੱਲਬਾਤ ਕਰੇਗਾ।

ਨਹੀਂ

ਸਿਰਫ ਅੰਦਰੂਨੀ ਅਤੇ ਬਾਹਰੀ ਕੰਡੋਮ ਹੀ STI ਤੋਂ ਬਚਾਉਣ ਵਾਲੇ ਗਰਭ ਨਿਰੋਧਕ ਹਨ।

ਜੇ ਇਹ ਸਫਲ ਹੁੰਦੀ ਹੈ, ਤਾਂ ਨਸਬੰਦੀ ਸਥਾਈ ਪ੍ਰਕਿਰਿਆ ਹੈ ਜਿਸਨੂੰ ਕੇਵਲ ਇੱਕ ਵਾਰ ਕਰਨ ਦੀ ਲੋੜ ਪਵੇਗੀ।

ਬਹੁਤ ਦੁਰਲੱਭ ਮਾਮਲਿਆਂ ਵਿੱਚ, ਜਿੱਥੇ ਟਿਊਬਾਂ ਦੁਬਾਰਾ ਇਕੱਠੀਆਂ ਵਧਦੀਆਂ ਹਨ, ਇਸਨੂੰ ਦੁਹਰਾਉਣ ਦੀ ਲੋੜ ਪੈ ਸਕਦੀ ਹੈ।

ਹੋ ਸਕਦਾ ਹੈ ਤੁਸੀਂ ਅਤੇ ਤੁਹਾਡਾ ਸਾਥੀ(ਆਂ) ਪ੍ਰਕਿਰਿਆ ਤੋਂ ਸਰਜਰੀ ਸਬੰਧੀ ਜ਼ਖ਼ਮਾਂ ਜਾਂ ਦਾਗਾਂ ਨੂੰ ਦੇਖ ਸਕੋ।

ਪ੍ਰਕਿਰਿਆ ਦੇ ਬਾਅਦ ਜ਼ਿਆਦਾਤਰ ਲੋਕਾਂ ਨੂੰ ਕੇਵਲ ਹਲਕੇ ਮਾੜੇ ਪ੍ਰਭਾਵ ਹੀ ਹੁੰਦੇ ਹਨ। ਇਹਨਾਂ ਵਿੱਚ ਸ਼ਾਮਲ ਹੋ ਸਕਦੇ ਹਨ:

• ਥੋੜ੍ਹੇ ਸਮੇਂ ਦਾ ਦਰਦ
• ਅੰਡਕੋਸ਼ ਵਿੱਚ ਸੋਜਸ਼ ਜਾਂ ਨੀਲ ਪੈਣਾ
• ਲਾਗ

ਗੰਭੀਰ ਸਮੱਸਿਆਵਾਂ ਦੁਰਲੱਭ ਹੁੰਦੀਆਂ ਹਨ, ਪਰ ਬਹੁਤ ਘੱਟ ਲੋਕਾਂ ਨੂੰ ਸਥਾਈ ਬੇਆਰਾਮੀ ਹੋ ਸਕਦੀ ਹੈ (ਨਸਬੰਦੀ ਤੋਂ ਬਾਅਦ ਦੇ ਦਰਦ ਸਿੰਡਰੋਮ) ਜਾਂ ਅੰਡਕੋਸ਼ ਵਿੱਚ ਇੱਕ ਛੋਟੀ ਜਿਹੀ ਗੰਢ ਵਿਕਸਤ ਹੋ ਸਕਦੀ ਹੈ।

ਜੀਵਨਸ਼ੈਲੀ ਦਾ ਕੋਈ ਵੀ ਕਾਰਕ ਨਸਬੰਦੀ ਕਰਾਉਣ ਤੋਂ ਨੂੰ ਨਹੀਂ ਰੋਕਦਾ ਹੈ।

ਜ਼ਿਆਦਾਤਰ ਸਿਹਤ ਅਵਸਥਾਵਾਂ ਤੁਹਾਨੂੰ ਨਸਬੰਦੀ ਕਰਵਾਉਣ ਦੇ ਯੋਗ ਹੋਣ ਤੋਂ ਨਹੀਂ ਰੋਕਦੀਆਂ। ਪਰ, ਕੁਝ ਡਾਕਟਰੀ ਕਾਰਕਾਂ ਦਾ ਮਤਲਬ ਇਹ ਹੋ ਸਕਦਾ ਹੈ ਕਿ ਪ੍ਰਕਿਰਿਆ ਉਸ ਸਮੇਂ ਢੁਕਵੀਂ ਨਹੀਂ ਹੈ, ਜਾਂ ਵਾਧੂ ਦੇਖਭਾਲ ਜਾਂ ਯੋਜਨਾਬੰਦੀ ਦੀ ਲੋੜ ਹੈ। ਤੁਹਾਡਾ ਮਾਹਰ ਇਸ ਬਾਰੇ ਤੁਹਾਡੇ ਨਾਲ ਗੱਲਬਾਤ ਕਰੇਗਾ।

ਤੁਸੀਂ ਨਸਬੰਦੀ ਲਈ ਏਥੇ ਪਹੁੰਚ ਕਰ ਸਕਦੇ ਹੋ:

• ਮਾਹਰ ਨਸਬੰਦੀ ਕਲੀਨਿਕ
• ਪਰਿਵਾਰ ਨਿਯੋਜਨ ਕਲੀਨਿਕ
• ਨਿੱਜੀ ਜਾਂ ਸਰਕਾਰੀ ਹਸਪਤਾਲ
• ਕੁਝ ਜੀ.ਪੀ.

ਤੁਸੀਂ ਜੀ.ਪੀ. ਦੇ ਰੈਫਰਲ ਤੋਂ ਬਿਨਾਂ, ਸਿੱਧੇ ਤੌਰ 'ਤੇ ਕਿਸੇ ਨਿੱਜੀ ਪ੍ਰਦਾਤਾ ਕੋਲ਼ ਨਸਬੰਦੀ ਬੁੱਕ ਕਰ ਸਕਦੇ ਹੋ। ਪਰ, ਤੁਸੀਂ ਇਸ ਪ੍ਰਕਿਰਿਆ ਬਾਰੇ ਵਧੇਰੇ ਜਾਣਨ ਲਈ ਪਹਿਲਾਂ ਆਪਣੇ ਜੀ.ਪੀ. ਨਾਲ ਗੱਲ ਕਰਨਾ ਚਾਹ ਸਕਦੇ ਹੋ ਅਤੇ ਇਹ ਵੀ ਜਾਣਨਾ ਚਾਹ ਸਕਦੇ ਹੋ ਕਿ ਕੀ ਇਹ ਤੁਹਾਡੇ ਵਾਸਤੇ ਸਹੀ ਹੈ।

ਜਨਤਕ ਸਿਹਤ ਪ੍ਰਣਾਲੀ ਵਿੱਚ ਨਸਬੰਦੀ ਤੱਕ ਪਹੁੰਚ ਕਰਨ ਲਈ ਇੱਕ ਜੀ.ਪੀ. ਦੇ ਰੈਫਰਲ ਦੀ ਲੋੜ ਹੁੰਦੀ ਹੈ। ਜਨਤਕ ਪ੍ਰਣਾਲੀ ਵਿੱਚ ਇੰਤਜ਼ਾਰ ਦਾ ਸਮਾਂ ਲਗਭਗ ਹਮੇਸ਼ਾਂ ਨਿੱਜੀ ਪ੍ਰਣਾਲੀ ਨਾਲੋਂ ਲੰਬਾ ਹੁੰਦਾ ਹੈ।

ਜ਼ਿਆਦਾਤਰ ਲੋਕ ਨਿੱਜੀ ਪ੍ਰਣਾਲੀ ਵਿੱਚ ਨਸਬੰਦੀ ਤੱਕ ਪਹੁੰਚ ਕਰਦੇ ਹਨ ਅਤੇ ਆਮ ਤੌਰ 'ਤੇ ਉਹਨਾਂ ਨੂੰ $500-1000 ਦੇ ਵਿਚਕਾਰ ਵਾਧੂ ਖਰਚਾ ਕਰਨਾ ਪਵੇਗਾ। ਜੇ ਤੁਹਾਡੇ ਕੋਲ ਇਸ ਪ੍ਰਕਿਰਿਆ ਲਈ ਕਵਰ ਪ੍ਰਾਪਤ ਹੈ ਤਾਂ ਤੁਸੀਂ ਆਪਣੇ ਨਿੱਜੀ ਸਿਹਤ ਬੀਮੇ ਤੋਂ ਛੋਟ ਪ੍ਰਾਪਤ ਕਰ ਸਕਦੇ ਹੋ।

ਜੇ ਤੁਸੀਂ ਜਨਤਕ ਪ੍ਰਣਾਲੀ ਵਿੱਚ ਨਸਬੰਦੀ ਕਰਵਾਉਂਦੇ ਹੋ, ਤਾਂ ਆਮ ਤੌਰ 'ਤੇ ਤੁਹਾਨੂੰ ਵਾਧੂ ਖਰਚਾ ਨਹੀਂ ਕਰਨਾ ਪਵੇਗਾ, ਪਰ ਉਡੀਕ ਦਾ ਸਮਾਂ ਲੰਬਾ ਹੋਵੇਗਾ।

ਹਾਂ। ਨਸਬੰਦੀ ਸਥਾਈ ਪ੍ਰਕਿਰਿਆ ਹੈ ਜੋ ਤੁਹਾਨੂੰ ਕਿਸੇ ਹੋਰ ਨੂੰ ਗਰਭਵਤੀ ਕਰਵਾਉਣ ਦੇ ਅਯੋਗ ਬਣਾਉਂਦੀ ਹੈ।

ਹਾਲਾਂਕਿ ਨਸਬੰਦੀ ਨੂੰ ਉਲਟਾਉਣਾ ਸੰਭਵ ਹੋ ਸਕਦਾ ਹੈ, ਪਰ ਸਫਲਤਾ ਦੀਆਂ ਦਰਾਂ ਵੱਖ-ਵੱਖ ਹੁੰਦੀਆਂ ਹਨ ਅਤੇ ਉਲਟਾਉਣ ਦੀ ਗਰੰਟੀ ਨਹੀਂ ਦਿੱਤੀ ਜਾ ਸਕਦੀ।