ਸਿਰਫ ਪ੍ਰੋਜੈਸਟੋਜਨ ਵਾਲੀ ਗੋਲੀ - 'ਮਿੰਨੀ-ਗੋਲੀ'

ਮਿੰਨੀ-ਗੋਲੀ

ਰੋਜ਼ਾਨਾ ਲਈ ਜਾਣ ਵਾਲੀ ਗੋਲੀ ਜਿਸ ਵਿੱਚ ਇੱਕ ਹਾਰਮੋਨ (ਪ੍ਰੋਜੈਸਟੋਜਨ) ਹੁੰਦਾ ਹੈ। ਮਿੰਨੀ-ਗੋਲੀ ਵਿੱਚ ਹੋਰ ਮੂੰਹ ਰਾਹੀਂ ਲਈ ਜਾਣ ਵਾਲੀ ਗਰਭ ਨਿਰੋਧਕਾਂ ਨਾਲੋਂ ਪ੍ਰੋਜੈਸਟੋਜਨ ਦੀ ਮਾਤਰਾ ਘੱਟ ਹੁੰਦੀ ਹੈ।

ਆਸਟਰੇਲੀਆ ਵਿੱਚ 3 ਕਿਸਮਾਂ ਦੀਆਂ ਮਿੰਨੀ-ਗੋਲੀਆਂ ਉਪਲਬਧ ਹਨ। ਉਨ੍ਹਾਂ ਵਿੱਚੋਂ ਹਰੇਕ ਵਿੱਚ ਵੱਖ-ਵੱਖ ਕਿਸਮ ਦਾ ਪ੍ਰੋਜੈਸਟੋਜਨ ਹੁੰਦਾ ਹੈ। ਇਹ ਹਨ:

• ਲੇਵੋਨੋਰਜੈਸਟ੍ਰਲ
• ਨੋਰੇਥੀਸਟੈਰੋਨ
• ਡ੍ਰੋਸਪੀਰੇਨੋਨ

ਤੁਹਾਡੇ ਗੋਲੀ ਦੇ ਪੈਕਟ ਵਿੱਚ ਇਹ ਸ਼ਾਮਲ ਹੋ ਸਕਦੇ ਹਨ:

• ਲੇਵੋਨੋਰਜੈਸਟ੍ਰਲ ਦੀਆਂ ਗੋਲੀਆਂ: 28 ਕਿਰਿਆਸ਼ੀਲ ਹਾਰਮੋਨ ਗੋਲੀਆਂ (ਕੋਈ ਸ਼ੂਗਰ ਦੀਆਂ ਗੋਲੀਆਂ ਨਹੀਂ)
• ਨੋਰੇਥੀਸਟੈਰੋਨ ਦੀਆਂ ਗੋਲੀਆਂ: 28 ਕਿਰਿਆਸ਼ੀਲ ਹਾਰਮੋਨ ਗੋਲੀਆਂ (ਕੋਈ ਸ਼ੂਗਰ ਦੀਆਂ ਗੋਲੀਆਂ ਨਹੀਂ)
• ਡਰੋਸਪੀਰੇਨੋਨ ਦੀਆਂ ਗੋਲੀਆਂ: 24 ਕਿਰਿਆਸ਼ੀਲ ਹਾਰਮੋਨ ਗੋਲੀਆਂ ਅਤੇ 4 ਸ਼ੂਗਰ ਦੀਆਂ ਗੋਲੀਆਂ

ਤੁਹਾਨੂੰ ਆਪਣੇ ਲਈ ਸਹੀ ਗੋਲੀ ਨੂੰ ਲੱਭਣ ਤੋਂ ਪਹਿਲਾਂ ਕੁਝ ਵੱਖਰੀਆਂ ਗੋਲੀਆਂ ਅਜ਼ਮਾਉਣੀਆਂ ਪੈ ਸਕਦੀਆਂ ਹਨ।

• ਗਰਭ ਅਵਸਥਾ ਨੂੰ ਰੋਕਣਾ
• ਪੀਰੀਅਡਾਂ ਨੂੰ ਨਿਯਮਤ ਕਰਨਾ।

ਮਿੰਨੀ-ਗੋਲੀ ਸਰਵਾਈਕਲ ਬਲਗਮ ਨੂੰ ਸੰਘਣਾ ਕਰਕੇ ਕੰਮ ਕਰਦੀ ਹੈ ਤਾਂ ਜੋ ਸ਼ੁਕਰਾਣੂ ਅੰਡੇ ਨੂੰ ਫਰਟੀਲਾਈਜ਼ ਕਰਨ ਲਈ ਫੈਲੋਪੀਅਨ ਟਿਊਬਾਂ ਤੱਕ ਨਾ ਪਹੁੰਚ ਸਕਣ। ਡ੍ਰੋਸਪੀਰੇਨੋਨ ਗੋਲੀ ਓਵੂਲੇਸ਼ਨ (ਅੰਡਕੋਸ਼ ਤੋਂ ਅੰਡੇ ਨਿਕਲਣਾ) ਨੂੰ ਵੀ ਰੋਕਦੀ ਹੈ।

ਗਰਭ ਅਵਸਥਾ ਨੂੰ ਰੋਕਣ ਲਈ ਮਿੰਨੀ-ਗੋਲੀ ਤੇਜ਼ੀ ਨਾਲ ਕੰਮ ਕਰਨਾ ਸ਼ੁਰੂ ਕਰ ਸਕਦੀ ਹੈ, ਪਰ ਇਸਦਾ ਸਮਾਂ ਇਸ ਗੱਲ 'ਤੇ ਨਿਰਭਰ ਕਰਦਾ ਹੈ ਕਿ ਤੁਸੀਂ ਇਸਨੂੰ ਆਪਣੇ ਮਾਹਵਾਰੀ ਚੱਕਰ ਵਿੱਚ ਕਦੋਂ ਲੈਣਾ ਸ਼ੁਰੂ ਕਰਦੇ ਹੋ।

ਲੇਵੋਨੋਰਜੈਸਟ੍ਰਲ ਅਤੇ ਨੋਰੇਥੀਸਟੈਰੋਨ:

ਜੇ ਤੁਸੀਂ ਆਪਣੀ ਮਾਹਵਾਰੀ ਸ਼ੁਰੂ ਹੋਣ ਦੇ ਪਹਿਲੇ 5 ਦਿਨਾਂ ਦੇ ਅੰਦਰ ਇਹਨਾਂ ਗੋਲੀਆਂ ਨੂੰ ਲੈਣਾ ਸ਼ੁਰੂ ਕਰਦੇ ਹੋ, ਤਾਂ ਤੁਸੀਂ ਤੁਰੰਤ ਸੁਰੱਖਿਅਤ ਹੋ ਜਾਂਦੇ ਹੋ।

ਜੇ ਤੁਸੀਂ ਆਪਣੀ ਪਿਛਲੀ ਮਾਹਵਾਰੀ ਸ਼ੁਰੂ ਹੋਣ ਦੇ 5 ਦਿਨਾਂ ਤੋਂ ਵਧੇਰੇ ਸਮੇਂ ਬਾਅਦ ਇਹਨਾਂ ਗੋਲ਼ੀਆਂ ਨੂੰ ਲੈਣਾ ਸ਼ੁਰੂ ਕਰਦੇ ਹੋ, ਤਾਂ ਤੁਹਾਨੂੰ ਲਗਾਤਾਰ 3 ਦਿਨਾਂ ਲਈ ਕਿਰਿਆਸ਼ੀਲ ਗੋਲ਼ੀਆਂ ਲੈਣ ਦੀ ਲੋੜ ਹੈ, ਤਾਂ ਜੋ ਤੁਸੀਂ ਸੁਰੱਖਿਅਤ ਹੋ ਸਕੋ। ਗਰਭਅਵਸਥਾ ਨੂੰ ਰੋਕਣ ਲਈ ਬੈਕਅੱਪ ਗਰਭਨਿਰੋਧਕ (ਉਦਾਹਰਨ ਲਈ ਕੰਡੋਮ) ਦੀ ਵਰਤੋਂ ਕਰੋ ਜਾਂ ਗਰਭਅਵਸਥਾ ਨੂੰ ਰੋਕਣ ਲਈ ਪਹਿਲੇ 3 ਦਿਨਾਂ ਤੱਕ ਸੰਭੋਗ ਕਰਨ ਤੋਂ ਪਰਹੇਜ਼ ਕਰੋ।

ਡ੍ਰੋਸਪੀਰੀਨੋਨ:

ਜੇ ਤੁਸੀਂ ਆਪਣੀ ਮਾਹਵਾਰੀ ਸ਼ੁਰੂ ਹੋਣ ਦੇ ਪਹਿਲੇ ਦਿਨ ਦੇ ਅੰਦਰ ਇਹ ਗੋਲ਼ੀਆਂ ਨੂੰ ਲੈਣਾ ਸ਼ੁਰੂ ਕਰਦੇ ਹੋ, ਤਾਂ ਤੁਸੀਂ ਤੁਰੰਤ ਸੁਰੱਖਿਅਤ ਹੋ ਜਾਂਦੇ ਹੋ।

ਜੇ ਤੁਸੀਂ ਆਪਣੀ ਮਾਹਵਾਰੀ ਦੇ ਪਹਿਲੇ ਦਿਨ ਤੋਂ ਬਾਅਦ ਇਹ ਗੋਲ਼ੀਆਂ ਨੂੰ ਲੈਣਾ ਸ਼ੁਰੂ ਕਰਦੇ ਹੋ, ਤਾਂ ਤੁਹਾਨੂੰ ਲਗਾਤਾਰ 7 ਦਿਨਾਂ ਵਾਸਤੇ ਕਿਰਿਆਸ਼ੀਲ ਗੋਲ਼ੀਆਂ ਲੈਣ ਦੀ ਲੋੜ ਹੈ, ਤਾਂ ਜੋ ਤੁਸੀਂ ਸੁਰੱਖਿਅਤ ਹੋ ਸਕੋ। ਗਰਭਅਵਸਥਾ ਨੂੰ ਰੋਕਣ ਲਈ ਬੈਕਅੱਪ ਗਰਭਨਿਰੋਧਕ (ਉਦਾਹਰਨ ਲਈ ਕੰਡੋਮ) ਦੀ ਵਰਤੋਂ ਕਰੋ ਜਾਂ ਗਰਭਅਵਸਥਾ ਨੂੰ ਰੋਕਣ ਲਈ ਪਹਿਲੇ 7 ਦਿਨਾਂ ਤੱਕ ਸੰਭੋਗ ਕਰਨ ਤੋਂ ਪਰਹੇਜ਼ ਕਰੋ।

ਆਮ ਵਰਤੋਂ: 93% ਪ੍ਰਭਾਵਸ਼ਾਲੀ

ਸਹੀ ਵਰਤੋਂ: 99.7% ਪ੍ਰਭਾਵਸ਼ਾਲੀ

• ਹਰ ਰੋਜ਼ ਇੱਕੋ ਸਮੇਂ 'ਤੇ ਇੱਕ ਗੋਲ਼ੀ ਲਓ
• ਕਿਰਿਆਸ਼ੀਲ ਗੋਲ਼ੀਆਂ ਨੂੰ ਨਾ ਛੱਡੋ
• ਪਿਛਲੇ ਪੈਕਾਂ ਨੂੰ ਪੂਰਾ ਕਰਨ ਦੇ ਬਾਅਦ ਸਮਾਂ-ਸਾਰਣੀ ਅਨੁਸਾਰ ਨਵੇਂ ਪੈਕ ਸ਼ੁਰੂ ਕਰੋ

ਕੁਝ ਕੁ ਲੋਕ ਹਰ ਰੋਜ਼ ਆਪਣੀ ਗੋਲੀ ਲੈਣਾ ਯਾਦ ਰੱਖਣ ਵਿੱਚ ਮਦਦ ਕਰਨ ਲਈ ਅਲਾਰਮ ਜਾਂ ਰੀਮਾਈਂਡਰ ਸੈੱਟ ਕਰਦੇ ਹਨ।

ਮਿੰਨੀ-ਗੋਲੀ ਘੱਟ ਅਸਰਦਾਰ ਹੁੰਦੀ ਹੈ ਜੇ ਤੁਸੀਂ:

• ਕਿਰਿਆਸ਼ੀਲ ਗੋਲੀਆਂ ਤੋਂ ਖੁੰਝ ਜਾਂਦੇ ਹਨ
• ਤੁਹਾਨੂੰ ਉਲਟੀਆਂ ਆਉਂਦੀਆਂ ਹਨ ਜਾਂ ਤੀਬਰ ਦਸਤ ਲੱਗੇ ਹਨ

ਲੇਵੋਨੋਰਜੈਸਟ੍ਰਲ ਅਤੇ ਨੋਰੇਥੀਸਟੈਰੋਨ ਗੋਲੀਆਂ ਨੂੰ ਹਰ ਰੋਜ਼ ਇਕੋ 3-ਘੰਟੇ ਦੇ ਸਮੇਂ ਦੇ ਅੰਦਰ ਲਿਆ ਜਾਣਾ ਚਾਹੀਦਾ ਹੈ, ਨਹੀਂ ਤਾਂ ਇਸ ਨੂੰ 'ਖੁੰਝ ਗਿਆ' ਮੰਨਿਆ ਜਾਂਦਾ ਹੈ। ਡ੍ਰੋਸਪੀਰੀਨੋਨ ਨੂੰ ਕੇਵਲ ਤਾਂ ਹੀ 'ਖੁੰਝ (ਰਹਿ) ਗਿਆ' ਮੰਨਿਆ ਜਾਂਦਾ ਹੈ ਜੇਕਰ ਇਸਨੂੰ 24 ਘੰਟਿਆਂ ਤੋਂ ਵਧੇਰੇ ਦੇਰ ਨਾਲ ਲਿਆ ਜਾਂਦਾ ਹੈ।

ਮਿੰਨੀ-ਗੋਲੀ ਦੇ ਪੈਕਟ ਵਿੱਚ ਆਉਣ ਵਾਲੀ ਜਾਣਕਾਰੀ ਸ਼ੀਟ ਤੁਹਾਨੂੰ ਇਸ ਬਾਰੇ ਹਿਦਾਇਤਾਂ ਦੇਵੇਗੀ ਕਿ ਜੇ ਅਜਿਹਾ ਵਾਪਰਦਾ ਹੈ ਤਾਂ ਕੀ ਕਰਨਾ ਹੈ। ਇਹਨਾਂ ਮਾਮਲਿਆਂ ਵਿੱਚ, ਗਰਭਅਵਸਥਾ ਨੂੰ ਰੋਕਣ ਲਈ, ਜਾਂ ਸੰਭੋਗ ਕਰਨ ਤੋਂ ਪਰਹੇਜ਼ ਕਰਨ ਲਈ, ਤੁਹਾਨੂੰ ਗਰਭ ਨਿਰੋਧਕ ਦੀ ਕਿਸੇ ਹੋਰ ਕਿਸਮ (ਉਦਾਹਰਨ ਲਈ ਕੰਡੋਮ) ਦੀ ਵਰਤੋਂ ਕਰਨ ਦੀ ਲੋੜ ਪੈ ਸਕਦੀ ਹੈ, ਜਦੋਂ ਤੱਕ ਕਿ ਤੁਹਾਨੂੰ ਆਪਣੇ ਲਈ ਸਹੀ ਵਿਕਲਪ ਨਹੀਂ ਮਿਲ ਜਾਂਦਾ।

ਕੁਝ ਕੁ ਦਵਾਈਆਂ ਮਿੰਨੀ-ਗੋਲੀ ਦੀ ਪ੍ਰਭਾਵਸ਼ੀਲਤਾ ਨੂੰ ਘੱਟ ਕਰ ਦਿੰਦੀਆਂ ਹਨ, ਜਿੰਨ੍ਹਾਂ ਵਿੱਚ ਮਿਰਗੀ ਦੀਆਂ ਕੁਝ ਦਵਾਈਆਂ ਵੀ ਸ਼ਾਮਲ ਹਨ।

ਕਿਸੇ ਸਿਹਤ-ਸੰਭਾਲ ਪੇਸ਼ੇਵਰ ਕੋਲੋਂ ਇਹ ਪੜਤਾਲ ਕਰਨਾ ਸਭ ਤੋਂ ਵਧੀਆ ਹੈ ਕਿ ਕੀ ਤੁਹਾਡੇ ਵੱਲੋਂ ਲਈਆਂ ਜਾਣ ਵਾਲੀਆਂ ਕੋਈ ਨਵੀਆਂ ਜਾਂ ਵਰਤਮਾਨ ਦਵਾਈਆਂ ਜਾਂ ਸਪਲੀਮੈਂਟ ਮਿੰਨੀ-ਗੋਲੀ ਦੀ ਪ੍ਰਭਾਵਸ਼ੀਲਤਾ ਨੂੰ ਘਟਾ ਦੇਣਗੇ।

ਨਹੀਂ

ਸਿਰਫ ਅੰਦਰੂਨੀ ਅਤੇ ਬਾਹਰੀ ਕੰਡੋਮ ਹੀ STI ਤੋਂ ਬਚਾਉਣ ਵਾਲੇ ਗਰਭ ਨਿਰੋਧਕ ਹਨ।

ਮਿੰਨੀ-ਗੋਲੀ ਨੂੰ ਰੋਜ਼ਾਨਾ ਲੈਣ ਦੀ ਜ਼ਰੂਰਤ ਹੈ।

ਡਾਕਟਰੀ ਨੁਸਖਾ 3-12 ਮਹੀਨਿਆਂ ਤੱਕ ਵੈਧ ਹੋ ਸਕਦਾ ਹੈ। ਕੁਝ ਸਿਹਤ-ਸੰਭਾਲ ਪੇਸ਼ੇਵਰ ਤੁਹਾਨੂੰ ਉਨ੍ਹਾਂ ਨੂੰ ਵਾਰ-ਵਾਰ ਮਿਲਣ ਦੀ ਲੋੜ ਨੂੰ ਘਟਾਉਣ ਲਈ ਦੁਹਰਾਉਣ ਵਾਲਾ ਨੁਸਖ਼ਾ ਪ੍ਰਦਾਨ ਕਰ ਸਕਦੇ ਹਨ।

ਮਿੰਨੀ-ਗੋਲੀ ਦੀ ਵਰਤੋਂ ਗੁਪਤ ਰੂਪ ਵਿੱਚ ਕਰਨਾ ਸੰਭਵ ਹੈ।

ਹਾਲਾਂਕਿ, ਇਹ ਸੰਭਵ ਹੈ ਕਿ ਕੋਈ ਗੋਲੀ ਦੇ ਪੈਕੇਟ, ਰੀਮਾਈਂਡਰ ਅਲਾਰਮ, ਜਾਂ ਤੁਹਾਨੂੰ ਇਸ ਨੂੰ ਲੈਂਦੇ ਹੋਏ ਦੇਖ ਸਕਦਾ ਹੈ।

ਸਾਰੀਆਂ ਦਵਾਈਆਂ ਵਾਂਗ, ਕੁਝ ਲੋਕ ਮਾੜੇ ਪ੍ਰਭਾਵਾਂ ਦਾ ਅਨੁਭਵ ਕਰ ਸਕਦੇ ਹਨ।

ਕੁਝ ਸੰਭਾਵੀ ਮਾੜੇ ਪ੍ਰਭਾਵਾਂ ਵਿੱਚ ਇਹ ਸ਼ਾਮਲ ਹਨ:

• ਮਤਲੀ
• ਸਿਰ ਦਰਦ
• ਛਾਤੀ ਵਿੱਚ ਦਰਦ
• ਧੱਬੇ (ਹਲਕਾ ਖੂਨ ਵਗਣਾ ਜੋ ਤੁਹਾਡੀ ਮਾਹਵਾਰੀ ਨਹੀਂ ਹੈ)
• ਅਨਿਯਮਿਤ ਖੂਨ ਵਗਣਾ
• ਲੰਮੇ ਸਮੇਂ ਤੱਕ ਪਿਰਿਅਡ ਹੋਣਾ
• ਮੁਹਾਸੇ
• ਥਕਾਵਟ

ਮਾੜੇ ਪ੍ਰਭਾਵ ਵੱਖ-ਵੱਖ ਮਿੰਨੀ-ਗੋਲੀਆਂ ਅਤੇ ਵੱਖ-ਵੱਖ ਲੋਕਾਂ ਵਿਚਕਾਰ ਭਿੰਨ ਹੁੰਦੇ ਹਨ। ਕੁਝ ਕੁ ਲੋਕਾਂ ਨੂੰ ਮਿੰਨੀ-ਗੋਲੀ ਲੈਣ ਦੌਰਾਨ ਕੋਈ ਮਾੜੇ ਪ੍ਰਭਾਵਾਂ ਦਾ ਤਜ਼ਰਬਾ ਨਹੀਂ ਹੁੰਦਾ ਜਾਂ ਸਕਾਰਾਤਮਕ ਤਬਦੀਲੀਆਂ ਦਾ ਅਨੁਭਵ ਹੁੰਦਾ ਹੈ। ਮਾੜੇ ਪ੍ਰਭਾਵ ਕੁਝ ਮਹੀਨਿਆਂ ਬਾਅਦ ਠੀਕ ਹੋ ਸਕਦੇ ਹਨ। ਜੇ ਕਿਸੇ ਵਿਸ਼ੇਸ਼ ਮਿੰਨੀ-ਗੋਲੀ ਦੇ ਮਾੜੇ ਪ੍ਰਭਾਵ ਤੁਹਾਨੂੰ ਪਰੇਸ਼ਾਨ ਕਰਦੇ ਹਨ, ਤਾਂ ਤੁਹਾਨੂੰ ਕਿਸੀ ਵੱਖਰੀ ਮਿੰਨੀ-ਗੋਲੀ ਜਾਂ ਕਿਸੇ ਵੱਖਰੇ ਕਿਸਮ ਦੀ ਗਰਭ ਨਿਰੋਧਕ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।

ਕੁਝ ਆਮ ਸਿਹਤ ਅਵਸਥਾਵਾਂ ਅਤੇ ਜੀਵਨਸ਼ੈਲੀ ਕਾਰਕ ਜੋ ਤੁਹਾਨੂੰ ਮਿੰਨੀ-ਗੋਲੀ ਦੀ ਵਰਤੋਂ ਕਰਨ ਤੋਂ ਰੋਕ ਸਕਦੇ ਹਨ, ਉਹਨਾਂ ਵਿੱਚ ਸ਼ਾਮਲ ਹਨ:

• 55 ਸਾਲ ਤੋਂ ਵੱਧ ਉਮਰ ਦਾ ਹੋਣਾ
• ਸਟਰੋਕ ਦਾ ਇਤਿਹਾਸ
• ਦਿਲ ਦੀ ਬਿਮਾਰੀ (ਵਰਤਮਾਨ ਜਾਂ ਅਤੀਤ)
• ਛਾਤੀ ਦਾ ਕੈਂਸਰ (ਵਰਤਮਾਨ ਜਾਂ ਅਤੀਤ)
• ਜਿਗਰ ਦੀ ਤੀਬਰ ਬਿਮਾਰੀ ਜਾਂ ਕੈਂਸਰ
• ਮਿਰਗੀ-ਵਿਰੋਧੀ ਜਾਂ ਦੌਰੇ ਦੀਆਂ ਕੁਝ ਵਿਸ਼ੇਸ਼ ਕਿਸਮਾਂ ਦੀ ਦਵਾਈ ਲੈਣਾ

ਆਪਣੇ ਲਈ ਸਭ ਤੋਂ ਸੁਰੱਖਿਅਤ ਅਤੇ ਢੁਕਵੇਂ ਗਰਭਨਿਰੋਧਕ ਵਿਕਲਪ ਦਾ ਫੈਸਲਾ ਲੈਂਦੇ ਸਮੇਂ ਕਿਸੇ ਸਿਹਤ-ਸੰਭਾਲ ਪੇਸ਼ੇਵਰ ਨਾਲ ਆਪਣੇ ਪੂਰੇ ਡਾਕਟਰੀ ਇਤਿਹਾਸ ਬਾਰੇ ਗੱਲ ਕਰਨਾ ਮਹੱਤਵਪੂਰਨ ਹੈ।

ਤੁਹਾਨੂੰ ਡਾਕਟਰੀ ਨੁਸਖੇ ਦੀ ਲੋੜ ਪਵੇਗੀ। ਤੁਸੀਂ ਇਹ ਕਿਸੇ ਡਾਕਟਰ ਕੋਲੋਂ (ਕਿਸੀ ਜੀ.ਪੀ. ਜਾਂ ਸਬੰਧਿਤ ਮਾਹਿਰ, ਉਦਾਹਰਨ ਲਈ ਗਾਈਨਾਕੋਲੋਜਿਸਟ), ਨਰਸ ਪ੍ਰੈਕਟੀਸ਼ਨਰ ਜਾਂ ਫਾਰਮਾਸਿਸਟ (ਕੁਝ ਰਾਜਾਂ ਅਤੇ ਰਾਜ-ਖੇਤਰਾਂ ਵਿੱਚ) ਕੋਲੋਂ ਪ੍ਰਾਪਤ ਕਰ ਸਕਦੇ ਹੋ। ਉਹਨਾਂ ਨੂੰ ਤੁਹਾਡੇ ਡਾਕਟਰੀ ਇਤਿਹਾਸ ਬਾਰੇ ਸਵਾਲ ਪੁੱਛਣੇ ਚਾਹੀਦੇ ਹਨ ਅਤੇ ਉਹ ਤੁਹਾਡੇ ਲਈ ਦਵਾਈ ਲਿਖਣ ਤੋਂ ਪਹਿਲਾਂ ਕੁਝ ਟੈਸਟ ਕਰ ਸਕਦੇ ਹਨ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਮਿੰਨੀ-ਗੋਲੀ ਤੁਹਾਡੇ ਲਈ ਸੁਰੱਖਿਅਤ ਵਿਕਲਪ ਹੈ।

ਤੁਸੀਂ ਡਾਕਟਰੀ ਨੁਸਖਾ ਇਥੋਂ ਪ੍ਰਾਪਤ ਕਰ ਸਕਦੇ ਹੋਂ:

• ਜੀ.ਪੀ. ਕਲੀਨਿਕ
• ਕਿਸੇ ਮਾਹਰ ਨਾਲ ਅਪੌਇੰਟਮੈਂਟ ਰਾਹੀਂ
• ਟੈਲੀਹੈਲਥ ਅਪੌਇੰਟਮੈਂਟ (ਔਨਲਾਈਨ ਜਾਂ ਫ਼ੋਨ 'ਤੇ)
• ਜਿਨਸੀ ਸਿਹਤ ਕਲੀਨਿਕ
• ਪਰਿਵਾਰ ਨਿਯੋਜਨ ਕਲੀਨਿਕ
• ਫਾਰਮੇਸੀਆਂ (ਕੁਝ ਰਾਜਾਂ ਅਤੇ ਰਾਜ-ਖੇਤਰਾਂ ਵਿੱਚ)

ਜਦੋਂ ਤੁਹਾਡੇ ਕੋਲ ਕੋਈ ਡਾਕਟਰੀ ਨੁਸਖਾ ਹੁੰਦਾ ਹੈ, ਤਾਂ ਤੁਸੀਂ ਮਿੰਨੀ-ਗੋਲੀ ਨੂੰ ਜ਼ਿਆਦਾਤਰ ਫਾਰਮੇਸੀਆਂ ਤੋਂ ਖਰੀਦ ਸਕਦੇ ਹੋ, ਜਿਸ ਵਿੱਚ ਆਨਲਾਈਨ ਫਾਰਮੇਸੀਆਂ ਤੋਂ ਖਰੀਦਣਾ ਵੀ ਸ਼ਾਮਲ ਹੈ।

ਵਰਤਮਾਨ ਵਿੱਚ, ਮਿੰਨੀ-ਗੋਲੀ ਦੇ ਸਾਰੇ ਸੰਸਕਰਣ ਫਾਰਮਾਸਿਊਟੀਕਲ ਬੈਨੀਫਿਟਸ ਸਕੀਮ (ਪੀਬੀਐਸ) ਤੇ ਸੂਚੀਬੱਧ ਹਨ, ਜੋ ਮੌਜੂਦਾ ਮੈਡੀਕਲ ਕਾਰਡ ਧਾਰਕਾਂ ਲਈ ਇਹਨਾਂ ਨੂੰ ਸਸਤਾ ਬਣਾਉਂਦੀ ਹੈ।

ਕਿਸੇ ਡਾਕਟਰੀ ਨੁਸਖੇ ਦੀ ਹਰੇਕ ਦੁਹਰਾਈ ਆਮ ਤੌਰ 'ਤੇ 3-4 ਮਹੀਨਿਆਂ ਤੱਕ ਰਹਿੰਦੀ ਹੈ ਪਰ ਇਹ ਵੱਖ-ਵੱਖ ਹੋ ਸਕਦੀ ਹੈ। ਹਰੇਕ ਦੁਹਰਾਉਣ ਲਈ ਖਰਚੇ ਇਹ ਹਨ:

• ਪੀਬੀਐਸ-ਸੂਚੀਬੱਧ ਗੋਲੀਆਂ: $25 ਤੱਕ
• ਰਿਆਇਤੀ ਕਾਰਡ ਧਾਰਕਾਂ ਲਈ ਪੀਬੀਐਸ-ਸੂਚੀਬੱਧ ਗੋਲੀਆਂ: $7.70 ਤੱਕ
• ਨਿੱਜੀ ਡਾਕਟਰੀ ਨੁਸਖਾ: $12- $60

ਹਾਲਾਂਕਿ ਕੁਝ ਸਿਹਤ ਸੰਭਾਲ ਪੇਸ਼ੇਵਰ ਥੋਕ ਬਿੱਲ ਦਿੰਦੇ ਹਨ (ਜਿਸਦਾ ਅਰਥ ਹੈ ਕਿ ਤੁਸੀਂ ਉਨ੍ਹਾਂ ਨੂੰ ਮਿਲਣ ਲਈ ਕੁਝ ਵੀ ਨਹੀਂ ਦੇਵੋਗੇ), ਕੁਝ ਤੁਹਾਡੇ ਡਾਕਟਰੀ ਨੁਸਖੇ ਲਈ ਲੋੜੀਂਦੀ ਅਪੌਇੰਟਮੈਂਟ ਵਾਸਤੇ ਤੁਹਾਡੇ ਤੋਂ ਫੀਸ ਲੈ ਸਕਦੇ ਹਨ।

ਨਹੀਂ, ਮਿੰਨੀ-ਗੋਲੀ ਲੰਮੇ ਸਮੇਂ ਦੀ ਜਣਨ ਸ਼ਕਤੀ ਨੂੰ ਪ੍ਰਭਾਵਤ ਨਹੀਂ ਕਰਦੀ ਹੈ।

ਤੁਹਾਡੇ ਵੱਲੋਂ ਮਿੰਨੀ-ਗੋਲੀ ਲੈਣੀ ਬੰਦ ਕਰਨ ਦੇ ਤੁਰੰਤ ਬਾਅਦ ਤੁਹਾਡੀ ਜਣਨ ਸ਼ਕਤੀ ਸਾਧਾਰਨ ਹੋ ਜਾਣੀ ਚਾਹੀਦੀ ਹੈ, ਪਰ ਤੁਹਾਡੇ ਮਾਹਵਾਰੀ ਚੱਕਰ ਨੂੰ ਠੀਕ ਹੋਣ ਵਿੱਚ ਥੋੜ੍ਹਾ ਸਮਾਂ ਲੱਗ ਸਕਦਾ ਹੈ।

ਤੁਸੀਂ ਬੱਚੇ ਦੇ ਜਨਮ ਤੋਂ ਤੁਰੰਤ ਬਾਅਦ ਮਿੰਨੀ-ਗੋਲੀ ਦੀ ਵਰਤੋਂ ਕਰਨਾ ਸ਼ੁਰੂ ਕਰ ਸਕਦੇ ਹੋ, ਭਾਵੇਂ ਤੁਸੀਂ ਆਪਣੇ ਬੱਚੇ ਨੂੰ ਛਾਤੀ ਦਾ ਦੁੱਧ ਪਿਲਾ ਰਹੇ ਹੋ। ਗਰਭ ਅਵਸਥਾ ਤੋਂ ਬਚਣ ਲਈ ਤੁਹਾਨੂੰ ਜਨਮ ਦੇਣ ਦੇ 21 ਦਿਨਾਂ ਦੇ ਅੰਦਰ ਮਿੰਨੀ-ਗੋਲੀ ਦੀ ਵਰਤੋਂ ਸ਼ੁਰੂ ਕਰਨੀ ਚਾਹੀਦੀ ਹੈ।