ਛਾਤੀ ਦਾ ਦੁੱਧ ਪਿਲਾਉਣ ਕਾਰਨ ਮਾਹਵਾਰੀ ਨਾ ਆਉਣ ਦੀ ਵਿਧੀ

ਛਾਤੀ ਦਾ ਦੁੱਧ ਪਿਲਾਉਣ ਦਾ ਤਰੀਕਾ।

LAM ਗਰਭਨਿਰੋਧਕ ਦਾ ਅਸਥਾਈ ਤਰੀਕਾ ਹੈ ਜਿਸਦੀ ਵਰਤੋਂ ਉਹਨਾਂ ਲੋਕਾਂ ਦੁਆਰਾ ਕੀਤੀ ਜਾ ਸਕਦੀ ਹੈ ਜਿੰਨ੍ਹਾਂ ਨੇ ਹਾਲੀਆ ਸਮੇਂ ਵਿੱਚ ਬੱਚੇ ਨੂੰ ਜਨਮ ਦਿੱਤਾ ਹੈ। ਇਹ ਹੇਠ ਲਿਖੀਆਂ ਸਾਰੀਆਂ 3 ਸ਼ਰਤਾਂ ਨੂੰ ਪੂਰਾ ਕਰਨ 'ਤੇ ਨਿਰਭਰ ਕਰਦਾ ਹੈ:

• ਤੁਸੀਂ ਆਪਣੇ ਬੱਚੇ ਨੂੰ ਸਿਰਫ਼ ਛਾਤੀ ਦਾ ਦੁੱਧ ਪਿਲਾ ਰਹੇ ਹੋ, ਅਤੇ
• ਤੁਹਾਡਾ ਬੱਚਾ 6 ਮਹੀਨਿਆਂ ਤੋਂ ਘੱਟ ਉਮਰ ਦਾ ਹੈ, ਅਤੇ
• ਬੱਚੇ ਨੂੰ ਜਨਮ ਦੇਣ ਤੋਂ ਬਾਅਦ ਤੁਹਾਡੀ ਮਾਹਵਾਰੀ ਵਾਪਸ ਨਹੀਂ ਆਈ ਹੈ।

• ਗਰਭ ਅਵਸਥਾ ਨੂੰ ਰੋਕਣਾ।

LAM ਉਹਨਾਂ ਕੁਦਰਤੀ ਤਬਦੀਲੀਆਂ ਕਰਕੇ ਕੰਮ ਕਰਦਾ ਹੈ ਜੋ ਤੁਹਾਡੇ ਹਾਰਮੋਨਜ਼ ਵਿੱਚ ਵਾਪਰ ਦੀਆਂ ਹਨ ਜਦ ਤੁਸੀਂ ਆਪਣੇ ਬੱਚੇ ਨੂੰ ਛਾਤੀ ਦਾ ਦੁੱਧ ਪਿਲਾ ਰਹੇ ਹੁੰਦੇ ਹੋ। ਜਦੋਂ ਤੁਹਾਡਾ ਬੱਚਾ ਸਿਰਫ਼ ਛਾਤੀ ਦਾ ਦੁੱਧ ਪੀਂਦਾ ਹੈ ਅਤੇ ਅਕਸਰ ਦੁੱਧ ਪੀਂਦਾ ਹੈ, ਤਾਂ ਤੁਹਾਡਾ ਸਰੀਰ ਪ੍ਰੋਲੈਕਟਿਨ ਦੀ ਉੱਚ ਮਾਤਰਾ ਬਣਾਉਂਦਾ ਹੈ - ਇੱਕ ਹਾਰਮੋਨ ਜੋ ਤੁਹਾਡੇ ਅੰਡਕੋਸ਼ ਨੂੰ ਅੰਡੇ ਛੱਡਣ ਤੋਂ ਰੋਕਦਾ ਹੈ। ਜੇ ਕੋਈ ਅੰਡਾ ਨਹੀਂ ਛੱਡਿਆ ਜਾਂਦਾ, ਤਾਂ ਤੁਸੀਂ ਗਰਭਵਤੀ ਨਹੀਂ ਹੋ ਸਕਦੇ।

ਤੁਹਾਡੇ ਬੱਚੇ ਨੂੰ ਜਨਮ ਦੇਣ ਦੇ ਤੁਰੰਤ ਬਾਅਦ LAM ਕੰਮ ਕਰਨਾ ਸ਼ੁਰੂ ਕਰ ਦੇਵੇਗਾ, ਜਦ ਤੱਕ ਸਾਰੀਆਂ 3 ਸ਼ਰਤਾਂ ਪੂਰੀਆਂ ਹੋ ਜਾਂਦੀਆਂ ਹਨ।

98٪ ਤੱਕ ਪ੍ਰਭਾਵਸ਼ਾਲੀ।

LAM ਕੇਵਲ ਓਦੋਂ ਹੀ ਪ੍ਰਭਾਵਸ਼ਾਲੀ ਹੁੰਦਾ ਹੈ ਜਦੋਂ ਹੇਠ ਲਿਖਿਆਂ ਵਿੱਚੋਂ ਸਾਰੇ 3 ਪੂਰੇ ਹੁੰਦੇ ਹਨ:

• ਤੁਸੀਂ ਦੋਵੇਂ ਸਮੇਂ ਦਿਨ (ਘੱਟੋ ਘੱਟ ਹਰ 4 ਘੰਟੇ) ਅਤੇ ਰਾਤ (ਘੱਟੋ ਘੱਟ ਹਰ 6 ਘੰਟੇ) ਨੂੰ ਆਪਣੇ ਬੱਚੇ ਨੂੰ ਸਿਰਫ ਛਾਤੀ ਦਾ ਦੁੱਧ ਪਿਲਾ ਰਹੇ ਹੋ, ਅਤੇ
• ਤੁਹਾਡਾ ਬੱਚਾ 6 ਮਹੀਨਿਆਂ ਤੋਂ ਘੱਟ ਉਮਰ ਦਾ ਹੈ, ਅਤੇ
• ਬੱਚੇ ਨੂੰ ਜਨਮ ਦੇਣ ਤੋਂ ਬਾਅਦ ਤੁਹਾਡੀ ਮਾਹਵਾਰੀ ਵਾਪਸ ਨਹੀਂ ਆਈ ਹੈ

ਜੇ ਇਹਨਾਂ ਵਿੱਚੋਂ ਕੋਈ ਵੀ ਚੀਜ਼ ਹੁਣ ਪੂਰੀ ਨਹੀਂ ਹੁੰਦੀ ਹੈ, ਤਾਂ ਤੁਹਾਨੂੰ ਗਰਭ ਨਿਰੋਧਕ ਦੇ ਤਰੀਕੇ ਵਜੋਂ LAM 'ਤੇ ਭਰੋਸਾ ਨਹੀਂ ਕਰਨਾ ਚਾਹੀਦਾ।

LAM ਘੱਟਪ੍ਰਭਾਵਸ਼ਾਲੀ ਹੁੰਦਾ ਹੈ ਜੇ:

• ਤੁਸੀਂ ਸਿਰਫ ਛਾਤੀ ਦਾ ਦੁੱਧ ਨਹੀਂ ਪਿਲਾ ਰਹੇ ਹੋ, ਉਦਾਹਰਨ ਲਈ ਤੁਸੀਂ ਪੰਪ ਦਾ ਇਸਤੇਮਾਲ ਕਰ ਰਹੇ ਹੋ ਅਤੇ ਬੋਤਲ ਦਾ ਦੁੱਧ ਪਿਲਾ ਰਹੇ ਹੋ
• ਤੁਸੀਂ ਆਪਣੇ ਬੱਚੇ ਨੂੰ ਫਾਰਮੂਲਾ ਜਾਂ ਠੋਸ ਭੋਜਨ ਪਿਲਾਉਣਾ ਸ਼ੁਰੂ ਕਰਦੇ ਹੋ
• ਤੁਸੀਂ ਘੱਟ ਵਾਰ ਦੁੱਧ ਪਿਲਾ ਰਹੇ ਹੋ ਅਤੇ ਬੱਚੇ ਨੂੰ ਦੁੱਧ ਪਿਲਾਉਣ ਵਿੱਚਕਾਰ ਲੰਮੇ ਸਮੇਂ ਦਾ ਅੰਤਰ ਹੁੰਦਾ ਹੈ, ਉਦਾਹਰਨ ਲਈ ਰਾਤ ਦੇ ਸਮੇਂ ਦੁੱਧ ਪਿਲਾਉਣਾ ਘੱਟ ਕਰਨਾ ਜਾਂ ਬੰਦ ਕਰਨਾ
• ਤੁਹਾਡਾ ਬੱਚਾ ਡਮੀ ਦੀ ਵਰਤੋਂ ਕਰ ਰਿਹਾ ਹੈ, ਅਤੇ ਇਸ ਨਾਲ ਛਾਤੀ ਦਾ ਦੁੱਧ ਪਿਲਾਉਣ ਦੀ ਘੱਟ ਸੰਭਾਵਨਾ ਹੁੰਦੀ ਹੈ ਜਾਂ ਦੁੱਧ ਘੱਟ ਜਾਂਦਾ ਹੈ।
• ਤੁਹਾਡਾ ਬੱਚਾ 6 ਮਹੀਨਿਆਂ ਤੋਂ ਵੱਧ ਉਮਰ ਦਾ ਹੈ

ਨਹੀਂ

ਸਿਰਫ ਅੰਦਰੂਨੀ ਅਤੇ ਬਾਹਰੀ ਕੰਡੋਮ ਹੀ STI ਤੋਂ ਬਚਾਉਣ ਵਾਲੇ ਗਰਭ ਨਿਰੋਧਕ ਹਨ।

LAM ਕੰਮ ਕਰਨ ਵਾਸਤੇ, ਤੁਹਾਨੂੰ ਦਿਨ ਦੌਰਾਨ ਘੱਟੋ ਘੱਟ ਹਰ 4 ਘੰਟਿਆਂ ਬਾਅਦ ਅਤੇ ਰਾਤ ਨੂੰ ਘੱਟੋ ਘੱਟ ਹਰ 6 ਘੰਟਿਆਂ ਬਾਅਦ ਆਪਣੇ ਬੱਚੇ ਨੂੰ ਸਿਰਫ ਛਾਤੀ ਦਾ ਦੁੱਧ ਪਿਲਾਉਣਾ ਚਾਹੀਦਾ ਹੈ।

ਨਹੀਂ. LAM ਨਿੱਜੀ ਹੈ ਅਤੇ ਕੋਈ ਅਜਿਹੀ ਚੀਜ਼ ਨਹੀਂ ਜੋ ਦੂਸਰੇ 'ਵੇਖ ਸਕਦੇ ਹਨ' ਜਾਂ ਲੱਭ ਸਕਦੇ ਹਨ। ਕੋਈ ਵੀ ਇਹ ਨਹੀਂ ਦੱਸ ਸਕਦਾ ਕਿ ਤੁਸੀਂ LAM ਦੀ ਵਰਤੋਂ ਕਰ ਰਹੇ ਹੋ ਜਦ ਤੱਕ ਤੁਸੀਂ ਉਹਨਾਂ ਨੂੰ ਨਹੀਂ ਦੱਸਦੇ।

ਨਹੀਂ. LAM ਨਾਲ ਜੁੜੇ ਕੋਈ ਮਾੜੇ ਪ੍ਰਭਾਵ ਨਹੀਂ ਹਨ।

LAM ਜ਼ਿਆਦਾਤਰ ਲੋਕਾਂ ਵਾਸਤੇ ਢੁਕਵਾਂ ਹੈ ਪਰ ਹੋ ਸਕਦਾ ਹੈ ਇਹ ਤੁਹਾਡੇ ਲਈ ਢੁਕਵਾਂ ਨਾ ਹੋਵੇ ਜੇ ਤੁਸੀਂ ਸਿਰਫ਼ ਛਾਤੀ ਦਾ ਦੁੱਧ ਨਹੀਂ ਪਿਲਾ ਸਕਦੇ, ਕੁੱਝ ਅਜਿਹੀਆਂ ਅਵਸਥਾਵਾਂ ਹਨ ਜੋ ਛਾਤੀ ਦਾ ਦੁੱਧ ਪਿਲਾਉਣ ਨੂੰ ਸੀਮਤ ਕਰਦੀਆਂ ਹਨ, ਜਾਂ ਤੁਸੀਂ ਦੁੱਧ ਪਿਲਾਉਣ ਦੀਆਂ ਸਖਤ ਲੋੜਾਂ ਦੀ ਪੂਰਤੀ ਨਹੀਂ ਕਰ ਸਕਦੇ।

LAM ਦੀ ਵਰਤੋਂ ਕਰਨ ਲਈ ਤੁਹਾਨੂੰ ਕਿਸੇ ਡਾਕਟਰੀ ਨੁਸਖੇ, ਡੀਵਾਈਸ ਜਾਂ ਅਪੌਇੰਟਮੈਂਟ ਦੀ ਲੋੜ ਨਹੀਂ ਹੈ – ਇਹ ਇਸ ਗੱਲ 'ਤੇ ਆਧਾਰਿਤ ਹੈ ਕਿ ਤੁਸੀਂ ਆਪਣੇ ਬੱਚੇ ਨੂੰ ਕਿਵੇਂ ਦੁੱਧ ਪਿਲਾਉਂਦੇ ਹੋ। ਤੁਸੀਂ ਆਪਣੇ ਆਪ LAM ਦੀ ਵਰਤੋਂ ਕਰ ਸਕਦੇ ਹੋ, ਪਰ ਕਿਸੇ ਸਿਹਤ-ਸੰਭਾਲ ਪੇਸ਼ੇਵਰ ਜਿਵੇਂ ਕਿ ਤੁਹਾਡੇ ਜੀ.ਪੀ., ਜਣੇਪਾ ਅਤੇ ਬਾਲ ਸਿਹਤ ਨਰਸ ਜਾਂ ਲੇਕਟੇਸ਼ਨ ਸਲਾਹਕਾਰ ਕੋਲੋਂ ਸਲਾਹ ਲੈਣ ਨਾਲ ਮਦਦ ਮਿਲ ਸਕਦੀ ਹੈ।

LAM ਮੁਫਤ ਹੈ।

ਨਹੀਂ, LAM ਤੁਹਾਡੀ ਭਵਿੱਖ ਦੀ ਜਣਨ ਸ਼ਕਤੀ ਨੂੰ ਪ੍ਰਭਾਵਿਤ ਨਹੀਂ ਕਰਦਾ ਹੈ। ਜਿਉਂ ਹੀ ਤੁਸੀਂ ਇਸ ਵਿਧੀ ਦੀ ਵਰਤੋਂ ਕਰਨਾ ਬੰਦ ਕਰ ਦਿੰਦੇ ਹੋ ਜਾਂ ਜੇ ਤੁਸੀਂ ਹੁਣ ਤਿੰਨ ਕਸੌਟੀਆਂ ਦੀ ਪੂਰਤੀ ਨਹੀਂ ਕਰਦੇ ਤਾਂ ਤੁਸੀਂ ਗਰਭਵਤੀ ਹੋ ਸਕਦੇ ਹੋ।