ការចងបំពង់ទឹកកាម

‘ការច្រឹបផ្តាច់បំពង់ទឹកកាម’។

ការវះកាត់តូចតាចមួយដែលបិទបំពង់ដឹកមេជីវិតឈ្មោលពីពងស្វាស ទៅលិង្គ។

ការចងបំពង់ទឹកកាមគឺជាវិធីសាស្រ្តអចិន្ត្រៃយ៍ដើម្បីបង្ការការមានផ្ទៃពោះ។

• ការបង្ការការមានផ្ទៃពោះ។

ការចងបំពង់ទឹកកាមគឺជានីតិវិធីវះកាត់តូចតាចមួយ ដែលធ្វើឡើងនៅក្នុងគ្លីនិកដោយការដាក់ថ្នាំឱ្យស្ពឹកតាមតំបន់។ អ្នកភ្ញាក់ហើយ ប៉ុន្តែមិនមានអារម្មណ៍ឈឺចាប់ទេ។ ជាធម្មតានីតិវិធីវះកាត់ចំណាយពេលពី 10 ទៅ 30 នាទី។

ក្នុងអំឡុងពេលចងបំពង់ទឹកកាម ការវះកាត់តូចតាចមួយត្រូវបានធ្វើឡើងលើបំពង់សាច់ដុំមួយគូនៅក្នុងប្រព័ន្ធបន្តពូជរបស់បុរស (បំពង់ដែលដឹកនាំមេជីវិតឈ្មោលពីពងស្វាស ទៅលិង្គ)។ បន្ទាប់មកវាត្រូវបានបិទបង្ខាំង ឬចងភ្ជាប់ជាធម្មតា។ នេះរារាំងមេជីវិតឈ្មោលមិនឱ្យទៅដល់លិង្គ ហើយដូច្នេះវាមិនអាចលាយឡំចូលទៅក្នុងទឹកកាមបានទេ។ នេះមានន័យថាការបញ្ចេញទឹកកាម (ទឹកកាម) មិនមានផ្ទុកមេជីវិតឈ្មោលទេ ហើយមេ​ជីវិត​ញី​ក៏មិនអាចបង្កកំណើតបានដែរ។

ខណៈពេលដែលទឹកកាមរបស់អ្នកគ្មានមេជីវិតឈ្មោល វានៅតែមើលទៅ និងមានអារម្មណ៍ដដែល។ ការចងបំពង់ទឹកកាមមិនប៉ះពាល់ដល់អ័រម៉ូន ការឡើងរឹងរបស់លិង្គ ឬចំណង់ផ្លូវភេទរបស់អ្នកទេ។

ការចងបំពង់ទឹកកាមមិនដំណើរការភ្លាមៗទេ។ មេជីវិតឈ្មោលអាចនៅតែមានវត្តមាននៅក្នុងទឹកកាមរយៈពេលជាច្រើនសប្តាហ៍ ឬច្រើនខែបន្ទាប់ពីនីតិវិធីវះកាត់។ ការធ្វើតេស្តតាមដានត្រូវតែធ្វើឡើង ដើម្បីបញ្ជាក់ថាមិនមានមេជីវិតឈ្មោល មុនពេលដែលការចងបំពង់ទឹកកាមត្រូវបានពឹងផ្អែកជាទម្រង់នៃវិធីសាស្រ្តពន្យារកំណើត។ ការធ្វើតេស្តទឹកកាមនេះជាធម្មតាត្រូវបានធ្វើឡើងប្រហែល 3 ខែ (12 សប្តាហ៍) បន្ទាប់ពីនីតិវិធីវះកាត់។

មានប្រសិទ្ធភាព 99.9%។

ដើម្បីឱ្យការចងបំពង់ទឹកកាមដំណើរការបានល្អ តាមដែលអាចធ្វើទៅបាន វាចាំបាច់ត្រូវតែធ្វើឱ្យបានត្រឹមត្រូវ និងតាមដានដោយការត្រួតពិនិត្យដើម្បីបញ្ជាក់ថាវាបានដំណើរការជោគជ័យ។ នេះមានន័យថា៖

• ឱ្យគ្រូពេទ្យដែលបានទទួលការបណ្តុះបណ្តាលអនុវត្តនីតិវិធីវះកាត់
• អនុវត្តតាមការណែនាំអំពីការថែទាំក្រោយនីតិវិធីវះកាត់
• ប្រើវិធីសាស្រ្តពន្យារកំណើតមួយផ្សេងទៀត រហូតដល់ការចងបំពង់ទឹកកាមទទួលបានជោគជ័យ
• ធ្វើតេស្តតាមដានទឹកកាមទៅតាមការណែនាំ ដើម្បីបញ្ជាក់ថាគ្មានមេជីវិតឈ្មោលនៅក្នុងទឹកកាមទេ
• ពឹងផ្អែកលើការចងបំពង់ទឹកកាមតែប៉ុណ្ណោះ សម្រាប់វិធីសាស្រ្តពន្យារកំណើតបន្ទាប់ពីភាពជោគជ័យនៃការចងបំពង់ទឹកកាមត្រូវបានបញ្ជាក់

នៅពេលដែលការចងបំពង់ទឹកកាមត្រូវបានធ្វើត្រឹមត្រូវ ហើយការធ្វើតេស្តតាមដានបញ្ជាក់ថាវាមានប្រសិទ្ធភាព វាគឺជាទម្រង់មួយនៃវិធីសាស្រ្តពន្យារកំណើតដែលមានប្រសិទ្ធភាពបំផុត។ ឱសថ និងសកម្មភាពប្រចាំថ្ងៃមិនប៉ះពាល់ដល់ប្រសិទ្ធភាពនៃដំណើរការរបស់វាទេ។

ទោះជាយ៉ាងណាក៏ដោយ ក្នុងករណីកម្រណាស់ បំពង់ទឹកកាមដែលបានកាត់អាចភ្ជាប់ឡើងវិញដោយខ្លួនឯងនៅពេលក្រោយ បន្ទាប់ពីការចង់បំពង់ទឹកកាម។ អ្នកឯកទេសរបស់អ្នកនឹងពិភាក្សារឿងនេះជាមួយអ្នក។

ទេ។

ស្រោមអនាម័យខាងក្នុង និងស្រោមអនាម័យខាងក្រៅ គឺជាប្រភេទតែមួយគត់នៃវិធីសាស្រ្តពន្យារកំណើតដែលការពារប្រឆាំងនឹងជំងឺកាមរោគ។

ប្រសិនបើទទួលបានជោគជ័យ ការចងបំពង់ទឹកកាមគឺជានីតិវិធីវះកាត់អចិន្ត្រៃយ៍ដែលនឹងត្រូវធ្វើតែម្តងគត់។

ក្នុងករណីកម្រណាស់ ដែលបំពង់ទឹកកាមទាំងនោះដុះមកវិញជាមួយគ្នា ហើយវាអាចត្រូវធ្វើឡើងវិញម្តងទៀត។

អ្នក និងដៃគូរបស់អ្នកប្រហែលជាអាចមើលឃើញរបួសវះកាត់ ឬស្លាកស្នាមពីនីតិវិធីវះកាត់។

មនុស្សភាគច្រើនមានផលប៉ះពាល់ស្រាលៗតែប៉ុណ្ណោះ បន្ទាប់ពីនីតិវិធីវះកាត់់។ ទាំងនេះអាចរួមមាន៖

• ការឈឺចាប់រយៈពេលខ្លី
• ហើម ឬជាំ នៅក្នុងពងស្វាស
• ការឆ្លងមេរោគ

បញ្ហាធ្ងន់ធ្ងរគឺកម្រមានណាស់ ប៉ុន្តែមនុស្សមួយចំនួនតូចអាចមានភាពមិនស្រួលយូរអង្វែង (រោគសញ្ញាឈឺចាប់ក្រោយការចងបំពង់ទឹកកាម) ឬវិវត្តទៅជាដុំតូចមួយនៅក្នុងពងស្វាស។

មិនមានកត្តារបៀបរស់នៅណាមួយដែលរារាំងការចងបំពង់ទឹកកាមនោះទេ។

ស្ថានភាពសុខភាពភាគច្រើនមិនរារាំងអ្នកពីការចងបំពង់ទឹកកាមទេ។ ទោះជាយ៉ាងណាក៏ដោយ កត្តាវេជ្ជសាស្ត្រមួយចំនួនអាចមានន័យថានីតិវិធីវះកាត់នេះមិនសមរម្យនៅពេលនោះ ឬត្រូវការការថែទាំ ឬការធ្វើផែនការបន្ថែម។ អ្នកឯកទេសរបស់អ្នកនឹងពិភាក្សារឿងនេះជាមួយអ្នក។

អ្នកអាចទទួលបានការចងបំពង់ទឹកកាមនៅ៖

• គ្លីនិកឯកទេសចងបំពង់ទឹកកាម
• គ្លីនិកផែនការគ្រួសារ
• មន្ទីរពេទ្យឯកជន ឬសាធារណៈ
• GP មួយចំនួន

អ្នកអាចកក់ការចងបំពង់ទឹកកាមដោយផ្ទាល់ជាមួយស្ថាប័នផ្តល់សេវាកម្មឯកជន ដោយមិនចាំបាច់មានការបញ្ជូនបន្តពី GP ឡើយ។ ទោះជាយ៉ាងណាក៏ដោយ អ្នកប្រហែលជាចង់ពិភាក្សាជាមួយ GP របស់អ្នកជាមុនសិន ដើម្បីស្វែងយល់បន្ថែមអំពីនីតិវិធីវះកាត់ និងថាតើវាសាកសមសម្រាប់អ្នកដែរឬអត់។

ការបញ្ជូនបន្តពី GP ត្រូវបានទាមទារដើម្បីទទួលបានការចងបំពង់ទឹកកាមនៅក្នុងប្រព័ន្ធសុខាភិបាលសាធារណៈ។ រយៈពេលរង់ចាំនៅក្នុងប្រព័ន្ធសាធារណៈតែងតែយូរជាងប្រព័ន្ធឯកជន។

មនុស្សភាគច្រើនទទួលបានការចងបំពង់ទឹកកាមនៅក្នុងប្រព័ន្ធឯកជន ហើយជាទូទៅនឹងត្រូវចំណាយផ្ទាល់ខ្លួនចន្លោះពី $500–1000។ អ្នកអាចទទួលបានការបង្វិលសងប្រាក់វិញពីក្រុមហ៊ុនធានារ៉ាប់រងសុខភាពឯកជនរបស់អ្នក ប្រសិនបើអ្នកត្រូវបានគ្របដណ្តប់សម្រាប់នីតិវិធីវះកាត់នេះ។

ប្រសិនបើអ្នកធ្វើការចងបំពង់ទឹកកាមនៅក្នុងប្រព័ន្ធសាធារណៈ ជាទូទៅនឹងមិនមានការចំណាយផ្ទាល់ខ្លួនទេ ក៏ប៉ុន្តែពេលវេលារង់ចាំនឹងមានរយៈពេលយូរជាង។

បាទ/ចាស។ ការចងបំពង់ទឹកកាម គឺជានីតិវិធីវះកាត់អចិន្ត្រៃយ៍ ដែលធ្វើឱ្យអ្នកមិនអាចឱ្យអ្នកផ្សេងទៀតមានផ្ទៃពោះបាន។

ខណៈពេលដែលវាអាចធ្វើទៅរួចក្នុងការបញ្ច្រាសការចងបំពង់ទឹកកាម អត្រាជោគជ័យមានភាពខុសគ្នា ហើយការបញ្ច្រាសមិនអាចធានាបានទេ។