ការយកបំពង់ស្បូនចេញ ឬការចងបំពង់ស្បូន

ការស្ទះបំពង់ស្បូន ការវះកាត់ចោះពោះដើម្បីពន្យារកំណើតអចិន្ត្រៃយ៍ ការក្រៀវស្ត្រីកុំឱ្យមានកូន ‘ការចងបិទបំពង់ស្បូន’។

នីតិវិធីវះកាត់ដែលបិទ ឬកាត់តាមផ្នែកតូចមួយនៃបំពង់ស្បូន។

ការចងបំពង់ស្បូនគឺជាវិធីសាស្រ្យអចិន្ត្រៃយ៍ដើម្បីបង្ការការមានផ្ទៃពោះ។

• ការបង្ការការមានផ្ទៃពោះ។

ការចងបំពង់ស្បូនគឺជានីតិវិធីវះកាត់ដែលជាធម្មតាត្រូវបានធ្វើឡើងក្រោមការដាក់ថ្នាំឱ្យសន្លប់។ ក្នុងអំឡុងពេលវះកាត់ បំពង់ដៃស្បូនត្រូវបានកាត់ និងចង ឬបិទជាមួយដង្កៀប។ នេះរារាំងមេ​ជីវិត​ញី​ពីការធ្វើដំណើរពីអូវែរទៅកាន់កស្បូន។ នេះមានន័យថា គ្មានមេ​ជីវិត​ញី​សម្រាប់មេជីវិតឈ្មោលដើម្បីបង្កកំណើតទេ។

ការចងបំពង់ស្បូនមិនផ្លាស់ប្តូរអ័រម៉ូន ឬរដូវរបស់អ្នកទេ។ វាមិនចាប់ផ្តើម ឬបណ្តាលឱ្យអស់រដូវទេ។

ការចងបំពង់ស្បូនចាប់ផ្តើមដំណើរការភ្លាមៗ ដើម្បីបង្ការការមានផ្ទៃពោះ។

អ្នកអាចចាប់ផ្តើមរួមភេទបានភ្លាមៗពេលណាអ្នកត្រៀមខ្លួនរួចរាល់ ទោះបីជាអ្នកជំនាញថែទាំសុខភាពរបស់អ្នកអាចណែនាំអ្នកឱ្យជៀសវាងការរួមភេទក្នុងរយៈពេលជាក់លាក់ណាមួយ ខណៈពេលដែលអ្នកកំពុងជាសះស្បើយពីការវះកាត់ក៏ដោយ។

មានប្រសិទ្ធភាព 99.5%។

ដើម្បីឱ្យការចងបំពង់ស្បូនមានប្រសិទ្ធភាពតាមដែលអាចធ្វើទៅបាន វាត្រូវអនុវត្តឱ្យបានត្រឹមត្រូវ ហើយគួរតែអនុវត្តតាមដំបូន្មានអំពីការជាសះស្បើយសមស្រប។ នេះមានន័យថា៖

• ឱ្យគ្រូពេទ្យដែលបានទទួលការបណ្តុះបណ្តាលអនុវត្តនីតិវិធីវះកាត់
• អនុវត្តតាមការណែនាំអំពីការថែទាំក្រោយនីតិវិធីវះកាត់

នៅពេលធ្វើបានត្រឹមត្រូវ ការចងបំពង់ស្បូនគឺជាទម្រង់មួយនៃវិធីសាស្រ្តពន្យារកំណើតដែលមានប្រសិទ្ធភាពបំផុត។ ឱសថ និងសកម្មភាពប្រចាំថ្ងៃមិនប៉ះពាល់ដល់ប្រសិទ្ធភាពនៃដំណើរការរបស់វាទេ។

ទោះជាយ៉ាងណាក៏ដោយ ក្នុងករណីកម្រ បំពង់ទាំងនេះជួនកាលអាចដុះឡើងវិញជាមួយគ្នា ឬបង្កើតជាផ្លូវថ្មីមួយ។ អ្នកឯកទេសរបស់អ្នកនឹងពិភាក្សារឿងនេះជាមួយអ្នក។

ទេ។

ស្រោមអនាម័យខាងក្នុង និងស្រោមអនាម័យខាងក្រៅ គឺជាប្រភេទតែមួយគត់នៃវិធីសាស្រ្តពន្យារកំណើតដែលការពារប្រឆាំងនឹងជំងឺកាមរោគ។

ការចងបំពង់ស្បូនគឺជានីតិវិធីវះកាត់អចិន្ត្រៃយ៍ដែលត្រូវធ្វើតែម្តងគត់។

អ្នក និងដៃគូរបស់អ្នកប្រហែលជាអាចមើលឃើញរបួសវះកាត់ ឬស្លាកស្នាមពីនីតិវិធីវះកាត់។

មនុស្សភាគច្រើនមិនមានផលប៉ះពាល់ធ្ងន់ធ្ងរទេ ប៉ុន្តែផលប៉ះពាល់មួយចំនួនអាចកើតឡើងបន្ទាប់ពីនីតិវិធីវះកាត់។ ទាំងនេះអាចរួមមាន៖

• ការឈឺពោះ ឬរមួលក្រពើ
• ការហើមពោះ
• អស់កម្លាំង
• ចង្អោរ ឬវិលមុខពីថ្នាំស្ពឹក
• ការហូរឈាមតាមទ្វារមាសស្រាលៗ ឬមិនស្រួលខ្លួនពីមុខរបួស

ដូចគ្នានឹង​នីតិវិធី​វេជ្ជសាស្ត្រ​ណាមួយ​ដែរ មានហានិភ័យ​នៃ​ផលវិបាក​ដ៏កម្រ ក៏ប៉ុន្តែ​ធ្ងន់ធ្ងរ។ សូមទៅជួបអ្នកជំនាញថែទាំសុខភាព ប្រសិនបើអ្នកជួបប្រទះ៖

• ការក្រហាយពេលអ្នកបត់ជើងតូច
• តំបន់ក្រហម ឈឺចាប់ជុំវិញមុខរបួស ដែលមិនប្រសើរឡើង
• ការឈឺចាប់ពោះកាន់តែអាក្រក់ទៅៗ ដែលមិនប្រសើរឡើង
• ជើងហើម ឬពិបាកទ្រទម្ងន់ដងខ្លួន

មិនមានកត្តារបៀបរស់នៅណាមួយដែលរារាំងការចងបំពង់ស្បូននោះទេ។

ស្ថានភាពសុខភាពភាគច្រើនមិនរារាំងអ្នកពីការអាចចងបំពង់ស្បូននោះទេ។ ទោះជាយ៉ាងណាក៏ដោយ កត្តាវេជ្ជសាស្ត្រមួយចំនួនអាចមានន័យថានីតិវិធីវះកាត់នេះមិនសមរម្យនៅពេលនោះ ឬត្រូវការការថែទាំ ឬការធ្វើផែនការបន្ថែម។ អ្នកឯកទេសរបស់អ្នកនឹងពិភាក្សារឿងនេះជាមួយអ្នក។

អ្នកនឹងត្រូវការការបញ្ជូនបន្តពី GP របស់អ្នកទៅកាន់គ្រូពេទ្យឯកទេសរោគស្ត្រី។ ការចងបំពង់ស្បូនត្រូវបានអនុវត្តទាំងនៅក្នុងប្រព័ន្ធសុខាភិបាលសាធារណៈ និងឯកជន។ រយៈពេលរង់ចាំនៅក្នុងប្រព័ន្ធសាធារណៈតែងតែយូរជាងប្រព័ន្ធឯកជន។

ប្រសិនបើអ្នកទទួលបានការចងបំពង់ស្បូនតាមរយៈប្រព័ន្ធសុខាភិបាលសាធារណៈ ជាទូទៅនឹងមិនមានការចំណាយផ្ទាល់ខ្លួនសម្រាប់នីតិវិធីវះកាត់នេះទេ។ ទោះជាយ៉ាងណាក៏ដោយ រយៈពេលរង់ចាំទំនងជាយូរជាងនៅក្នុងប្រព័ន្ធឯកជន។ ខណៈពេលដែលអ្នកជំនាញថែទាំសុខភាពមួយចំនួនគិតថ្លៃព្យាបាលផ្ទាល់ពីរដ្ឋ (ដែលមានន័យថា អ្នកនឹងមិនចំណាយអ្វីទាំងអស់ដើម្បីជួបពួកគេ) ក៏ដោយ អ្នកខ្លះអាចគិតថ្លៃសេវាដែលត្រូវចំណាយផ្ទាល់ខ្លួនសម្រាប់ការណាត់ជួបដំបូង។

ប្រសិនបើអ្នកទទួលបានការចងបំពង់ស្បូនតាមរយៈប្រព័ន្ធសុខាភិបាលឯកជន ជាទូទៅអ្នកនឹងមានការចំណាយផ្ទាល់ខ្លួនចន្លោះពី $3000–4000។ អ្នកអាចទទួលបានការបង្វិលសងប្រាក់វិញពីក្រុមហ៊ុនធានារ៉ាប់រងសុខភាពឯកជនរបស់អ្នក ប្រសិនបើអ្នកត្រូវបានគ្របដណ្តប់សម្រាប់នីតិវិធីវះកាត់នេះ។

បាទ/ចាស។ ការចងបំពង់ស្បូនគឺជានីតិវិធីវះកាត់អចិន្ត្រៃយ៍ដែលធ្វើឱ្យអ្នកមិនអាចមានផ្ទៃពោះបាន។

ខណៈពេលដែលវាអាចធ្វើទៅរួចក្នុងការបញ្ច្រាសការចងបំពង់ស្បូន អត្រាជោគជ័យមានភាពខុសគ្នា ហើយការបញ្ច្រាសមិនអាចធានាបានទេ។

មែនហើយ ការចងបំពង់ស្បូនអាចត្រូវបានអនុវត្តនៅចន្លោះពេលសមស្របបន្ទាប់ពីមានផ្ទៃពោះ។ ក្នុងករណីខ្លះ ការចងបំពង់ស្បូនអាចត្រូវបានបញ្ចប់ក្នុងពេលដំណាលគ្នានឹងការសម្រាលកូនដោយវះកាត់។ ក្នុងស្ថានភាពនេះ ការប្រឹក្សាយោបល់ និងការព្រមព្រៀងគួរតែត្រូវបានផ្តល់ជូនយ៉ាងហោចណាស់ 2 សប្តាហ៍មុននីតិវិធីវះកាត់។

សូមពិភាក្សាអំពីការចងបំពង់ស្បូនជាមួយអ្នកជំនាញថែទាំសុខភាពរបស់អ្នក ប្រសិនបើអ្នកគិតថានេះជាជម្រើសត្រឹមត្រូវសម្រាប់អ្នក។