ស្រោមអនាម័យខាងក្រៅ

ស្រោមអនាម័យ ស្រោមអនាម័យបុរស ជ័រកៅស៊ូ។

ស្រោមស្តើងមួយដែលពាក់លើលិង្គក្នុងអំឡុងពេលរួមភេទ។ ជាទូទៅ ស្រោមអនាម័យទាំងនេះត្រូវបានផលិតពីជ័រកៅស៊ូ (ជ័រកៅស៊ូធម្មជាតិ) ប៉ុន្តែស្រោមអនាម័យគ្មានជ័រកៅស៊ូដែលផលិតពីជ័រ polyurethane (ប្លាស្ទីក) ឬ polyisoprene (ជ័រសំយោគ) ក៏មានលក់ផងដែរ។

• ការបង្ការការមានផ្ទៃពោះ។
• ការកាត់បន្ថយការចម្លងជំងឺកាមរោគ។

ស្រោមអនាម័យខាងក្រៅត្រូវបានដាក់ពីលើលិង្គ ដោយបង្កើតជារបាំងរវាងសារធាតុរាវក្នុងរាងកាយ។ វាប្រមូលទឹកកាម ដូច្នេះមេជីវិតឈ្មោលមិនចូលទៅក្នុងទ្វារមាស ហើយមិនអាចបង្កកំណើតដល់មេ​ជីវិត​ញីបានទេ។

វាក៏កាត់បន្ថយការប៉ះពាល់នឹងជំងឺកាមរោគផងដែរ ដោយកំណត់ការប៉ះពាល់ជាមួយសារធាតុរាវក្នុងរាងកាយ។

ដរាបណាស្រោមអនាម័យត្រូវបានពាក់លើលិង្គបានត្រឹមត្រូវ វានឹងចាប់ផ្តើមដំណើរការភ្លាមៗដើម្បីបង្ការការមានផ្ទៃពោះ។ ទោះយ៉ាងណាក៏ដោយ វាត្រូវតែស្ថិតនៅនឹងកន្លែង មុនការប៉ះពាល់ប្រដាប់បន្តពូជកើតឡើង។

ការប្រើប្រាស់ធម្មតា៖ មានប្រសិទ្ធភាព 87%។

ការប្រើប្រាស់ល្អឥតខ្ចោះ៖ មានប្រសិទ្ធភាព 98%។

• ត្រូវប្រាកដថាស្រោមអនាម័យមិនទាន់ផុតកំណត់។
• បើកកញ្ចប់ដោយប្រុងប្រយ័ត្ន ដោយត្រូវប្រាកដថាស្រោមអនាម័យមិនរហែក។
• ដាក់ស្រោមអនាម័យលើលិង្គ មុនការប៉ះពាល់ប្រដាប់បន្តពូជកើតឡើង។
• ប្រើស្រោមអនាម័យដែលមានទំហំត្រឹមត្រូវ - មិនតឹងពេក ហើយក៏មិនរលុងពេក។
• ត្រូវប្រាកដថា ស្រោមអនាម័យត្រូវបានរមៀលចុះក្រោមទាំងស្រុង ហើយនៅជាប់ជានិច្ចក្នុងអំឡុងពេលរួមភេទ។
• ប្រើស្រោមអនាម័យថ្មីរៀងរាល់ពេលដែលអ្នករួមភេទ (ប្រសិនបើរួមភេទច្រើនដងជាប់ៗគ្នា) និងប្រសិនបើប្តូររវាងប្រភេទនៃការរួមផ្លូវភេទផ្សេងៗគ្នា (ឧទាហរណ៍ ការរួមភេទតាមទ្វារមាសទៅរន្ធគូថ)។
• ប្រើទឹករំអិល (lube) ដើម្បីការពារស្រោមអនាម័យកុំឱ្យបែកធ្លាយក្នុងអំឡុងពេលរួមភេទតាមរន្ធគូថ។ ទឹករំអិលក៏អាចត្រូវបានប្រើក្នុងអំឡុងពេលរួមភេទតាមទ្វារមាសសម្រាប់ផាសុកភាពបន្ថែមផងដែរ។
• ប្រើតែទឹករំអិលដែលមានមូលដ្ឋានជាទឹក ឬស៊ីលីកូន ជាមួយស្រោមអនាម័យប៉ុណ្ណោះ។ កុំប្រើផលិតផលដែលមានមូលដ្ឋានជាប្រេង។
• យកវាចេញដោយប្រុងប្រយ័ត្នបន្ទាប់ពីរួមភេទរួច ដោយធានាថាទឹកកាមមិនហៀរចេញ ឬប៉ះនឹងប្រដាប់បន្តពូជឡើយ។ បោះចោលវាទៅក្នុងធុងសំរាម កុំបោះចោលវាទៅក្នុងបង្គន់។
• កុំប្រើវារួមគ្នាជាមួយស្រោមអនាម័យខាងក្នុង។

ស្រោមអនាម័យមានទំហំ សារធាតុ និងរូបរាងខុសៗគ្នា។ ការប្រើស្រោមអនាម័យដែលសមល្មម និងមានអារម្មណ៍ស្រួលអាចជួយការពារវាពីការបែកធ្លាយ ឬរបូតចេញ និងធ្វើឱ្យវាកាន់តែងាយស្រួលក្នុងការប្រើប្រាស់បានត្រឹមត្រូវរាល់ពេល។

ប្រសិទ្ធភាពនៃស្រោមអនាម័យអាចថយចុះ ប្រសិនបើ៖

• មិនបានប្រើវារៀងរាល់ពេលដែលអ្នករួមភេទ
• មិនបានប្រើវាពីដើមដល់ចប់ — ដាក់វាចូលបន្ទាប់ពីបានចាប់ផ្តើមរួមភេទរួច ឬដកវាចេញមុនពេលចប់ការរួមភេទ
• វារបូតចេញ ឬលេចធ្លាយ — បញ្ហានេះអាចកើតឡើងប្រសិនបើស្រោមអនាម័យខូច ទំហំខុស បើកដោយវត្ថុមុតស្រួច (ដូចជាក្រចកដៃ ធ្មេញ ឬគ្រឿងអលង្ការ) ឬប្រើបន្ទាប់ពីកាលបរិច្ឆេទផុតកំណត់។
• ប្រើវាជាមួយផលិតផលដែលមានមូលដ្ឋានជាប្រេង (ដូចជាប្រេងរំអិលមួយចំនួន) — ទាំងនេះអាចធ្វើឱ្យស្រោមអនាម័យជ័រកៅស៊ូចុះខ្សោយ។
• វាត្រូវបានប្រើជាមួយថ្នាំសម្លាប់មេជីវិតឈ្មោល — វិធីនេះមិនត្រូវបានណែនាំទេ ហើយអាចបង្កើនឱកាសនៃការបែកធ្លាយស្រោមអនាម័យ។
• ទឹករំអិលត្រូវបានបន្ថែមទៅខាងក្នុងស្រោមអនាម័យ ឬខាងក្រៅលិង្គមុនពេលប្រើស្រោមអនាម័យ — នេះបង្កើនឱកាសនៃការរអិលស្រោមអនាម័យ
• វាត្រូវបានប្រើជាមួយស្រោមអនាម័យខាងក្នុង — ការប្រើប្រាស់ស្រោមអនាម័យខាងក្នុង និងខាងក្រៅរួមគ្នាអាចបណ្តាលឱ្យមានការបែកធ្លាយដោយសារតែការកកិត។
• មិនបានរក្សាទុកវាដោយត្រឹមត្រូវ — កំដៅ (ដូចជាការរក្សាទុកវានៅក្នុងប្រអប់ស្រោមដៃក្នុងរថយន្ត) ការកកិត (ដូចជាការរក្សាទុកវានៅក្នុងកាបូប) ឬការខូចខាតដល់កញ្ចប់វេចខ្ចប់អាចធ្វើឱ្យស្រោមអនាម័យចុះខ្សោយ។

បាទ/ចាស។ នៅពេលប្រើបានត្រឹមត្រូវ ស្រោមអនាម័យខាងក្រៅការពារប្រឆាំងនឹងជំងឺកាមរោគ។ វាមានប្រសិទ្ធភាពជាងស្រោមអនាម័យខាងក្នុង។

ត្រូវប្រើស្រោមអនាម័យថ្មីរៀងរាល់ពេលដែលអ្នករួមភេទ ចាប់ពីដើមដល់ចប់។ ស្រោមអនាម័យ​ប្រើ​បាន​តែ​ម្តង​ប៉ុណ្ណោះ ហើយ​មិន​គួរ​ប្រើ​ឡើង​វិញ​ឡើយ។

អ្នកក៏គួរតែប្រើស្រោមអនាម័យថ្មីផងដែរ ប្រសិនបើ៖

• ការរួមភេទនៅតែបន្ត បន្ទាប់ពីការបញ្ចេញទឹកកាម
• ស្រោមអនាម័យបែកធ្លាយ របូតចេញ ឬត្រូវបានដោះចេញ
• អ្នកប្តូររវាងប្រភេទនៃការរួមផ្លូវភេទផ្សេងៗគ្នា (ឧទាហរណ៍ ការរួមភេទតាមទ្វារមាស ទៅការរួមភេទតាមរន្ធគូថ)

ប្រសិនបើអ្នកប្រើស្រោមអនាម័យ ទាំងអ្នក និងដៃគូរបស់អ្នកនឹងដឹង ពីព្រោះស្រោមអនាម័យត្រូវបានប្រើនៅពេលរួមភេទ ហើយតម្រូវឱ្យមានការចូលរួមពីដៃគូ។

មនុស្សភាគច្រើនមិនមានផលប៉ះពាល់អ្វីទេនៅពេលប្រើស្រោមអនាម័យ ក៏ប៉ុន្តែមនុស្សមួយចំនួនតូចអាចសម្គាល់ឃើញផលប៉ះពាល់ស្រាលៗដូចជា៖

• ការរលាកស្បែកនៅក្នុងទ្វារមាស បបូរមាត់ទ្វាមាស ឬរន្ធគូថរបស់ដៃគូរួមភេទ ជារឿយៗដោយសារតែការកកិត។ ជាធម្មតាវាអាចត្រូវបានកែលម្អដោយការប្រើប្រេងរំអិលបន្ថែមទៀត
• អាឡែកហ្ស៊ីនឹងជ័រកៅស៊ូគឺកម្រមានណាស់ ប៉ុន្តែវាអាចបណ្តាលឱ្យរមាស់ ឡើងក្រហម ឬហើម។ ស្រោមអនាម័យគ្មានជ័រកៅស៊ូ អាចរកទិញបានយ៉ាងងាយស្រួល
• ស្រោមអនាម័យខ្លះមានសារធាតុបន្ថែម (ដូចជាស្រទាប់ស្រោបដែលផ្តល់អារម្មណ៍កក់ក្តៅ ត្រជាក់ ឬដាក់ក្លិន) ដែលអាចធ្វើឱ្យរលាកស្បែកងាយប្រតិកម្ម។

ប្រសិនបើអ្នក ឬដៃគូរបស់អ្នកមានអាឡែស៊ី ឬងាយប្រតិកម្មនឹងជ័រកៅស៊ូ អ្នកគួរតែប្រើស្រោមអនាម័យគ្មានជ័រកៅស៊ូ ដែលអាចរកទិញបានយ៉ាងងាយស្រួល។

ស្រោមអនាម័យមិនតម្រូវឱ្យមានវេជ្ជបញ្ជាទេ ហើយអាចទិញបាននៅ៖

• ឱសថស្ថាន
• ផ្សារទំនើប
• ហាងលក់ទំនិញទូទៅ
• ហាងលក់ទំនិញអនឡាញ

ស្រោមអនាម័យក៏អាចទទួលបានដោយឥតគិតថ្លៃផងដែរ នៅតាមទីតាំងមួយចំនួនដូចជាគ្លីនិកសុខភាពផ្លូវភេទជាដើម។

ស្រោមអនាម័យមានតម្លៃខុសៗគ្នា មានចំនួន 10–12 ក្នុងមួយកញ្ចប់ដែលមានតម្លៃចន្លោះពី $5–10។ អ្នកក៏អាចទិញវាជាកញ្ចប់ច្រើនផងដែរ ដែលធ្វើឱ្យវាមានតម្លៃថោកជាង។

អ្នកអាចទទួលបានស្រោមអនាម័យដោយឥតគិតថ្លៃនៅកន្លែងមួយចំនួន ដូចជាគ្លីនិកសុខភាពផ្លូវភេទជាដើម។

ទេ ស្រោមអនាម័យមិនមានផលប៉ះពាល់ដល់ភាពមានកូននាពេលអនាគតរបស់អ្នកទេ។ អ្នកអាចនឹងមានផ្ទៃពោះភ្លាមៗ នៅពេលដែលអ្នកឈប់ប្រើវិធីសាស្រ្តនេះ។

ស្រោមអនាម័យខាងក្រៅអាចប្រើបានភ្លាមៗបន្ទាប់ពីសម្រាលកូនរួច។