ស្រោមអនាម័យស្ត្រី ដាយ៉ាហ្វ្រេម

‘មួក'។

ពែងរាងដូចដំបូលមូល​ទន់ អាច​បត់បែន​បាន ផលិត​ពី​ស៊ីលីកូន ដែល​​ដាក់​ចូល​ក្នុង​ទ្វារមាស​មុន​ពេល​រួម​ភេទ។

មានស្រោមអនាម័យស្ត្រី ដាយ៉ាហ្វ្រេម មួយប្រភេទដែលមាននៅក្នុងប្រទេសអូស្ត្រាលី ហៅថា Caya។ វាមានទំហំតែមួយ ដែលត្រូវសមនឹងមនុស្សភាគច្រើន។ វាប្រើជាមួយជែលពន្យារកំណើតពិសេសមួយហៅថា Caya Gel។

• ការបង្ការការមានផ្ទៃពោះ។

ត្រូវដាក់ស្រោមអនាម័យស្ត្រី ដាយ៉ាហ្វ្រេម ក្នុងទ្វារមាសមុនពេលរួមភេទ។ វាស្ថិតនៅពីលើមាត់ស្បូន ហើយបង្កើតជារបាំងរូបវន្តដែលបញ្ឈប់មេជីវិតឈ្មោលពីការចូលទៅក្នុងកស្បូន និងបង្កកំណើតដល់មេ​ជីវិត​ញី។ ត្រូវប្រើវាជាមួយជែលពន្យារកំណើត ដែលជួយបង្កើតរបាំងរូបវន្តបន្ថែម។

ស្រោមអនាម័យស្ត្រី ដាយ៉ាហ្វ្រេម មិនមានផ្ទុកអ័រម៉ូនទេ។ វាអាចជាជម្រើសសមស្របសម្រាប់មនុស្សដែលមិនអាចប្រើវិធីសាស្រ្តពន្យារកំណើតដោយអ័រម៉ូន ដោយសារហេតុផលវេជ្ជសាស្ត្រ។

ដរាបណា​ស្រោមអនាម័យស្ត្រី ដាយ៉ាហ្វ្រេម ស្ថិតនៅ​កន្លែង​ត្រឹមត្រូវ ហើយ​ប្រើ​ជាមួយ​ជែល​ពន្យារកំណើត វា​នឹង​ចាប់ផ្តើម​ដំណើរការ​ភ្លាមៗ​ដើម្បីបង្ការ​ការ​មាន​ផ្ទៃពោះ។

ការប្រើប្រាស់ធម្មតា៖ មានប្រសិទ្ធភាព 83%។

ការប្រើប្រាស់ល្អឥតខ្ចោះ៖ មានប្រសិទ្ធភាព 84%។

• ត្រូវប្រាកដថាស្រោមអនាម័យស្ត្រី ដាយ៉ាហ្វ្រេម មិនទាន់ផុតកំណត់។
• ពិនិត្យមើលស្រោមអនាម័យស្ត្រី ដាយ៉ាហ្វ្រេម របស់អ្នកសម្រាប់ការខូចខាត (រហែក រន្ធ ដាច់) មុនពេលប្រើរៀងរាល់ពេល។
• មុនពេលស៊កបញ្ចូល សូមដាក់ជែលពន្យារកំណើតប្រហែលមួយស្លាបព្រាកាហ្វេចូលទៅក្នុងពែងស្រោមអនាម័យស្ត្រី ដាយ៉ាហ្វ្រេម។
• ប្រសិនបើអ្នកបានស៊កបញ្ចូលស្រោមអនាម័យស្ត្រី ដាយ៉ាហ្វ្រេម លើសពី 2 ម៉ោងមុនពេលរួមភេទ អ្នកត្រូវបន្ថែមជែលពន្យារកំណើតបន្ថែមទៀត។
• ស៊កបញ្ចូលស្រោមអនាម័យស្ត្រី ដាយ៉ាហ្វ្រេម ទៅតាមការណែនាំ​ក្នុង​ប្រអប់ ដើម្បីឱ្យ​វា​គ្របដណ្តប់​មាត់ស្បូន​ទាំងស្រុង។
• ស៊កបញ្ចូល​ ស្រោមអនាម័យស្ត្រី ដាយ៉ាហ្វ្រេម មុនការប៉ះពាល់ប្រដាប់បន្តពូជកើតឡើង។
• ទប់ស្រោមអនាម័យស្ត្រី ដាយ៉ាហ្វ្រេម ឱ្យនៅនឹងកន្លែងក្នុងអំឡុងពេលរួមភេទ។
• ប្រើជែលពន្យារកំណើតបន្ថែមរៀងរាល់ពេលដែលអ្នករួមភេទ (ប្រសិនបើរួមភេទច្រើនដងជាប់ៗគ្នា)។
• បន្ទាប់ពីរួមភេទរួច ចូរទុកស្រោមអនាម័យស្ត្រី ដាយ៉ាហ្វ្រេម នៅក្នុងនោះយ៉ាងហោចណាស់ 6 ម៉ោង។
• ប្រសិនបើមានការរួមភេទម្តងហើយម្តងទៀត ត្រូវលាបជែលម្តងទៀតជ្រៅទៅក្នុងទ្វារមាសរៀងរាល់ 2 ម៉ោងម្តង (ទុកស្រោមអនាម័យស្ត្រី ដាយ៉ាហ្វ្រេម នៅខាងក្នុង)
• កុំទុកស្រោមអនាម័យស្ត្រី ដាយ៉ាហ្វ្រេម ឱ្យនៅកន្លែងនោះលើសពី 24 ម៉ោងក្នុងមួយពេល។
• ប្រើតែទឹករំអិលដែលមានមូលដ្ឋានជាទឹក ឬស៊ីលីកូន (ជៀសវាងផលិតផលដែលមានមូលដ្ឋានជាប្រេង)។
• លាងសម្អាតស្រោមអនាម័យស្ត្រី ដាយ៉ាហ្វ្រេម របស់អ្នកជាមួយសាប៊ូមានកម្រិតស្រាល និងទឹក រវាងការប្រើប្រាស់ម្តងៗ ហើយត្រូវប្រាកដថាវាស្ងួតទាំងស្រុងមុននឹងរក្សាទុក។

កញ្ចប់ដែលមានស្រោមអនាម័យស្ត្រី ដាយ៉ាហ្វ្រេម នឹងរួមបញ្ចូលការណែនាំអំពីរបៀបស៊កបញ្ចូលវាឱ្យបានត្រឹមត្រូវ។ ទោះយ៉ាងណាក៏ដោយ ប្រសិនបើអ្នកនៅតែមិនប្រាកដ ឬមានបញ្ហាជាមួយនឹងការស៊កបញ្ចូល អ្នកជំនាញថែទាំសុខភាពអាចជួយបាន។

ប្រសិទ្ធភាពនៃស្រោមអនាម័យស្ត្រី ដាយ៉ាហ្វ្រេម អាចត្រូវបានកាត់បន្ថយប្រសិនបើ៖

• មិនបានប្រើវារៀងរាល់ពេលដែលអ្នករួមភេទ
• មិនបានប្រើ ឬស៊កបញ្ចូលត្រឹមត្រូវ
• ស៊កបញ្ចូលច្រើនជាងពីរម៉ោងមុនពេលរួមភេទ ហើយមិនប្រើជែលពន្យារកំណើតបន្ថែម
• មិនបានប្រើជែលពន្យារកំណើត ឬមិនបានប្រើវាឱ្យបានត្រឹមត្រូវ
• វាត្រូវបានយកចេញមុនពេលប្រាំមួយម៉ោងកន្លងផុតទៅ ចាប់តាំងពីការរួមភេទ
• វារបូតចេញពីកន្លែងក្នុងអំឡុងពេលរួមភេទ
• អ្នកមិនប្រើជែលបន្ថែម ប្រសិនបើអ្នករួមភេទច្រើនដងជាប់ៗគ្នា។
• វាខូច រហែក ឬពាក់មិនត្រូវ
• ប្រេងរំអិល ឬផលិតផលដែលមានមូលដ្ឋានជាប្រេង ត្រូវបានប្រើជាមួយស្រោមអនាម័យស្ត្រី ដាយ៉ាហ្វ្រេម
• វាហួសកាលបរិច្ឆេទផុតកំណត់របស់វា

ទេ។

ស្រោមអនាម័យខាងក្នុង និងស្រោមអនាម័យខាងក្រៅ គឺជាប្រភេទតែមួយគត់នៃវិធីសាស្រ្តពន្យារកំណើតដែលការពារប្រឆាំងនឹងជំងឺកាមរោគ។

ត្រូវស៊កបញ្ចូលស្រោមអនាម័យស្ត្រី ដាយ៉ាហ្វ្រេម រៀងរាល់ពេលដែលអ្នករួមភេទ។

ជាធម្មតា ស្រោមអនាម័យស្ត្រី ដាយ៉ាហ្វ្រេម ​អាចប្រើបានរហូតដល់ 2 ឆ្នាំ ហើយអាចប្រើប្រាស់បានច្រើនដងក្នុងអំឡុងពេលនេះ ដរាបណាវាមិនបែកធ្លាយ ឬខូចខាត។

ស្រោមអនាម័យស្ត្រី ដាយ៉ាហ្វ្រេម ស្ថិត​នៅ​ខាងក្នុង​ទ្វារមាស ហើយ​មើល​មិនឃើញ​វាទេ។ ជាធម្មតា អ្នក និងដៃគូរបស់អ្នកនឹងមិនមានអារម្មណ៍ដឹងពីវាទេក្នុងអំឡុងពេលរួមភេទ។ ក្នុងករណីខ្លះ ដៃគូអាចមានអារម្មណ៍ដឹងពីស្រោមអនាម័យស្ត្រី ដាយ៉ាហ្វ្រេម ក្នុងអំឡុងពេលរួមភេទ ជាពិសេសប្រសិនបើវាមិនស្ថិតនៅក្នុងទីតាំងត្រឹមត្រូវ។ នេះទំនងជាអាចស្ទាបដឹងជាមួយម្រាមដៃ ជាជាងជាមួយលិង្គ។

ជាមួយនឹងការប្រើត្រឹមត្រូវ ផលប៉ះពាល់ពីការប្រើស្រោមអនាម័យស្ត្រី ដាយ៉ាហ្វ្រេម គឺកម្រមានណាស់ ប៉ុន្តែមនុស្សមួយចំនួនអាចជួបប្រទះ៖

• ការរលាកស្បែកទ្វារមាស ឬលិង្គ
• ហានិភ័យនៃជំងឺរលាកប្លោកនោម ឬជំងឺរលាកផ្លូវបង្ហូរទឹកនោម (UTI) កើនឡើង
• អាឡែកហ្ស៊ីនឹងស៊ីលីកូនគឺកម្រមានណាស់ ប៉ុន្តែអាចបណ្តាលឱ្យរមាស់ ឡើងក្រហម ឬហើម

ក្នុងករណីកម្រណាស់ មានហានិភ័យនៃរោគសញស្លុត។ នេះភាគច្រើនជាប់ទាក់ទងនឹងការប្រើមិនត្រឹមត្រូវ ដូចជាការទុកស្រោមអនាម័យស្ត្រី ដាយ៉ាហ្វ្រេម នៅក្នុងនោះលើសពី 24 ម៉ោង។

ស្រោមអនាម័យស្ត្រី ដាយ៉ាហ្វ្រេម អាច​មិន​ត្រូវ​បាន​ណែនាំ​ទេ ប្រសិន​បើ​អ្នក៖

• មានប្រវត្តិនៃរោគសញ្ញាស្លុត
• មានភាពខុសគ្នានៃរូបរាងទ្វារមាស ឬស្បូនរបស់អ្នក ដែលអាចមិនអនុញ្ញាតឱ្យស្រោមអនាម័យស្ត្រី ដាយ៉ាហ្វ្រេម គ្របដណ្តប់មាត់ស្បូនបានត្រឹមត្រូវ
• កំពុងរស់នៅជាមួយមេរោគ HIV ឬមានហានិភ័យខ្ពស់នៃការឆ្លងមេរោគ HIV
• កំពុងប្រើថ្នាំប្រឆាំងមេរោគអេដស៍
• មានអាឡែស៊ីនឹងស៊ីលីកូន ឬមានដៃគូដែល

ស្រោមអនាម័យស្ត្រី ដាយ៉ាហ្វ្រេម មិនតម្រូវឱ្យមានវេជ្ជបញ្ជាទេ ហើយអាចទិញបាននៅ៖

• ឱសថស្ថានមួយចំនួននៅទូទាំងប្រទេសអូស្ត្រាលី
• គ្លីនិកសុខភាពផ្លូវភេទ និងសុខភាពបន្តពូជមួយចំនួន
• ហាងលក់ទំនិញអនឡាញ

ស្រោមអនាម័យស្ត្រី ដាយ៉ាហ្វ្រេម Caya គឺជាប្រភេទស្រោមអនាម័យស្ត្រី តែមួយគត់ដែលមាននៅក្នុងប្រទេសអូស្ត្រាលី។ អ្នកក៏ត្រូវតែទិញ Caya Gel ដើម្បីប្រើជាមួយស្រោមអនាម័យស្ត្រី ដាយ៉ាហ្វ្រេម ផងដែរ។

ស្រោមអនាម័យស្ត្រី ដាយ៉ាហ្វ្រេម មិនមានលក់យ៉ាងទូលំទូលាយដូចប្រភេទនៃវិធីសាស្រ្តពន្យារកំណើតផ្សេងទៀតទេ ហើយវាអាចពិបាករកជាង។

ស្រោមអនាម័យស្ត្រី ដាយ៉ាហ្វ្រេម ​មានតម្លៃ​ចន្លោះ​ពី $100–130 ​ក្នុងមួយ​ដុំ។

​ត្រូវ​ប្រើ​ជែល​ពន្យារកំណើត​ជាមួយ​ស្រោមអនាម័យស្ត្រី ដាយ៉ាហ្វ្រេម ដែល​មាន​តម្លៃ​ប្រហែល $30 ​ក្នុង​មួយ​បំពង់។

ទេ ស្រោមអនាម័យស្ត្រី ដាយ៉ាហ្វ្រេម មិនមានផលប៉ះពាល់ដល់ភាពមានកូននាពេលអនាគតរបស់អ្នកទេ។ អ្នកអាចនឹងមានផ្ទៃពោះភ្លាមៗ នៅពេលដែលអ្នកឈប់ប្រើវិធីសាស្រ្តនេះ។

អ្នកគួរតែរង់ចាំ 6 សប្តាហ៍បន្ទាប់ពីសម្រាលកូនរួច មុនពេលប្រើស្រោមអនាម័យស្ត្រី ដាយ៉ាហ្វ្រេម។ អ្នកគួរតែពិនិត្យមើលថាតើស្រោមអនាម័យស្ត្រី ដាយ៉ាហ្វ្រេម នៅតែត្រូវសមឬអត់ ពីព្រោះទំហំ និងរូបរាងស្បូនរបស់អ្នកប្រហែលជាបានផ្លាស់ប្តូរ។ អ្នកជំនាញថែទាំសុខភាពអាចជួយបាន។