ឧបករណ៍ពន្យារកំណើតដាក់ក្រោមស្បែក

បំពង់ឬកងពន្យារកំណើត តម្បារ របាំង Implanon។

បំពង់ឬកងប្លាស្ទិកតូចមួយដែលស៊កបញ្ចូលក្រោមស្បែកដើមដៃរបស់អ្នក ដែលបញ្ចេញអ័រម៉ូនមួយ (ប្រូហ្សេស្តូហ្សែន) យឺតៗ។ វាមានប្រសិទ្ឋភាពរហូតដល់ 3 ឆ្នាំ។

Implanon NXT គឺជាឧបករណ៍ពន្យារកំណើតដាក់ក្រោមស្បែកតែមួយគត់ដែលមាននៅក្នុងប្រទេសអូស្ត្រាលី។

ការប្រើប្រាស់​ទូទៅ​មួយចំនួន​នៃឧបករណ៍ពន្យារកំណើតដាក់ក្រោមស្បែក រួមមាន​៖

• ការបង្ការការមានផ្ទៃពោះ
• កាត់បន្ថយ ការឈឺចាប់ពេលមករដូវ

ឧបករណ៍ពន្យារកំណើតដាក់ក្រោមស្បែកដំណើរការដោយ៖

• ការបញ្ឈប់ ការធ្លាក់​មេ​ជីវិត​ញី​ (​មេ​ជីវិត​ញី​បានបញ្ចេញចេញពីអូវែរ)
• ធ្វើឱ្យទឹករំអិលកស្បូនក្រាស់ ដូច្នេះមេជីវិតឈ្មោលមិនអាចឆ្លងកាត់ទៅកាន់បំពង់ស្បូន (កន្លែងដែល​មេ​ជីវិត​ញីបង្កកំណើត)
• ធ្វើឱ្យស្រទាប់ស្បូនស្តើង ដូច្នេះប្រសិនបើមេ​ជីវិត​ញីបង្កកំណើត វាមិនសូវមានឱកាសក្នុងការផ្សាំជាប់ និងចាប់ផ្តើមមានផ្ទៃពោះនោះទេ។

ឧបករណ៍ពន្យារកំណើតដាក់ក្រោមស្បែក​អាចចាប់ផ្តើមដំណើរការយ៉ាងឆាប់រហ័សដើម្បីបង្ការការមានផ្ទៃពោះ ក៏ប៉ុន្តែពេលវេលាជាក់លាក់អាស្រ័យលើពេលដែលអ្នកស៊កបញ្ចូលវាក្នុងវដ្តរដូវរបស់អ្នក។

ប្រសិនបើអ្នកស៊កបញ្ចូលឧបករណ៍ពន្យារកំណើតដាក់ក្រោមស្បែកក្នុងរយៈពេល 5 ថ្ងៃដំបូងនៃការមករដូវរបស់អ្នក អ្នកនឹងទទួលបានការការពារភ្លាមៗ។

ប្រសិនបើអ្នកស៊កបញ្ចូលឧបករណ៍ពន្យារកំណើតដាក់ក្រោមស្បែកលើសពី 5 ថ្ងៃបន្ទាប់ពីការមករដូវចុងក្រោយរបស់អ្នកចាប់ផ្តើម វានឹងចំណាយពេល 7 ថ្ងៃមុនពេលអ្នកទទួលបានការការពារ។ ប្រើវិធីសាស្រ្តពន្យារកំណើតបម្រុង (ឧទាហរណ៍ ស្រោមអនាម័យ) ឬជៀសវាងការរួមភេទរយៈពេល 7 ថ្ងៃដំបូង ដើម្បីបង្ការការមានផ្ទៃពោះ។

មានប្រសិទ្ធភាព 99.9%។

• ប្តូរជំនួសឧបករណ៍ពន្យារកំណើតដាក់ក្រោមស្បែក​រៀងរាល់ 3 ឆ្នាំម្តង។

វាជាគំនិតល្អក្នុងការសរសេរចុះនៅពេលដែលអ្នកបានស៊កបញ្ចូលឧបករណ៍ពន្យារកំណើតដាក់ក្រោមស្បែក ដើម្បីឱ្យអ្នកអាចចងចាំបានថាពេលណាដល់ពេលដែលត្រូវប្តូរជំនួសវា។

ឧបករណ៍ពន្យារកំណើតដាក់ក្រោមស្បែក​មិន​សូវ​មាន​ប្រសិទ្ធភាព​ទេ ប្រសិន​បើ​អ្នក​រង់ចាំ​លើស​ពី 3 ឆ្នាំ​ដើម្បីប្តូរ​ជំនួសវា។

ឱសថមួយចំនួនកាត់បន្ថយប្រសិទ្ធភាពនៃឧបករណ៍ពន្យារកំណើតដាក់ក្រោមស្បែក រួមទាំងថ្នាំព្យាបាលជំងឺឆ្កួតជ្រូកមួយចំនួនផងដែរ។

វាជាការល្អបំផុតក្នុងការពិនិត្យជាមួយអ្នកជំនាញថែទាំសុខភាព ប្រសិនបើឱសថ ឬថ្នាំបំពេញបង្គ្រប់ថ្មីបច្ចុប្បន្នណាមួយដែលអ្នកប្រើនឹងធ្វើឱ្យប្រសិទ្ធភាពនៃឧបករណ៍ពន្យារកំណើតដាក់ក្រោមស្បែកថយចុះ។

ទេ។

ស្រោមអនាម័យខាងក្នុង និងស្រោមអនាម័យខាងក្រៅ គឺជាប្រភេទតែមួយគត់នៃវិធីសាស្រ្តពន្យារកំណើតដែលការពារប្រឆាំងនឹងជំងឺកាមរោគ។

ឧបករណ៍ពន្យារកំណើតដាក់ក្រោមស្បែកត្រូវ​ការប្តូរជំនួស​រៀងរាល់ 3 ឆ្នាំ​ម្តង។

អ្នកអាចយកវាចេញនៅពេលណាក៏បាន ប្រសិនបើអ្នកមិនចង់ប្រើវាទៀតទេ។

ឧបករណ៍ពន្យារកំណើតដាក់ក្រោមស្បែក អាចស្ទាបដឹង​ថា​នៅ​​ក្រោមស្បែកដើមដៃ​របស់​អ្នក។

ដូចគ្នានឹងឱសថទាំងអស់ដែរ មនុស្សមួយចំនួនអាចជួបប្រទះផលប៉ះពាល់នានា។

ផលប៉ះពាល់មួយចំនួនដែលអាចកើតមាន រួមមាន៖

• លំនាំនៃការមករដូវមិនទៀងទាត់ មិនអាចទាយទុកជាមុនបាន ចាប់ពីការហូរឈាមតិចតួច ឬគ្មានការហូរឈាមក្នុងរយៈពេលយូរ រហូតដល់ការហូរឈាមញឹកញាប់ និងធ្ងន់ធ្ងរជាងមុន
• រោគមុនអាចកើតឡើង ប្រសើរឡើង ឬកាន់តែអាក្រក់ទៅៗ
• ឈឺក្បាល
• ការផ្លាស់ប្តូរអារម្មណ៍
• ដោះឈឺ ឬទន់
• ចំណង់ផ្លូវភេទទាប

ក្នុងករណីកម្រណាស់ ឧបករណ៍ពន្យារកំណើតដាក់ក្រោមស្បែកអាចផ្លាស់ទីពីកន្លែងដែលវាត្រូវបានស៊កបញ្ចូលដំបូង។ ប្រសិនបើអ្នកមិនមានអារម្មណ៍ថាវាស្ថិតនៅក្រោមស្បែករបស់អ្នកទេ សូមទៅជួបអ្នកជំនាញថែទាំសុខភាពជាបន្ទាន់។

អ្នកក៏អាចជួបប្រទះផលប៉ះពាល់បណ្តោះអាសន្នមួយចំនួននៅកន្លែងស៊កបញ្ចូល ឬយកចេញឧបករណ៍ពន្យារកំណើតដាក់ក្រោមស្បែក រួមមាន៖

• ស្នាមជាំ
• ការឈឺចាប់
• រមាស់
• ហូរឈាម
• ការឆ្លងមេរោគ (កម្រ)
• ស្នាមតូចមួយ

ផលប៉ះពាល់ខុសគ្នារវាងមនុស្សផ្សេងៗគ្នា។ មនុស្សមួយចំនួនមិនជួបប្រទះផលប៉ះពាល់ ឬជួបប្រទះការផ្លាស់ប្តូរវិជ្ជមាន ខណៈពេលកំពុងប្រើប្រាស់ឧបករណ៍ពន្យារកំណើតដាក់ក្រោមស្បែក។ ផលប៉ះពាល់អាចថយចុះវិញបន្ទាប់ពីពីរបីខែក្រោយមក។ ប្រសិនបើផលប៉ះពាល់នៃឧបករណ៍ពន្យារកំណើតដាក់ក្រោមស្បែករំខានអ្នក អ្នកប្រហែលជាចង់សាកល្បងប្រភេទនៃវិធីសាស្រ្តពន្យារកំណើតផ្សេងទៀត។

ស្ថានភាពសុខភាពទូទៅមួយចំនួន និងកត្តារបៀបរស់នៅដែលអាចរារាំងអ្នកពីការប្រើប្រាស់ឧបករណ៍ពន្យារកំណើតដាក់ក្រោមស្បែក រួមមាន៖

• ប្រវត្តិនៃជំងឺដាច់សរសៃឈាមខួរក្បាល
• ជំងឺបេះដូង (បច្ចុប្បន្ន ឬអតីតកាល)
• ជំងឺមហារីកដោះ (បច្ចុប្បន្ន ឬអតីតកាល)
• ជំងឺថ្លើមធ្ងន់ធ្ងរ ឬមហារីកថ្លើម
• ការហូរឈាមតាមទ្វារមាសដែលមិនអាចពន្យល់បាន

វាជាការសំខាន់ណាស់ក្នុងការពិភាក្សាជាមួយអ្នកជំនាញថែទាំសុខភាពអំពីប្រវត្តិវេជ្ជសាស្ត្រពេញលេញរបស់អ្នក នៅពេលសម្រេចចិត្តថាជម្រើសវិធីសាស្រ្តពន្យារកំណើតមួយណាដែលមានសុវត្ថិភាព និងសមស្របបំផុតសម្រាប់អ្នក។

អ្នកនឹងត្រូវការវេជ្ជបញ្ជា។ អ្នកអាចទទួលបានមួយពីវេជ្ជបណ្ឌិត (ទាំង GP ឬអ្នកឯកទេសពាក់ព័ន្ធ ឧទាហរណ៍ គ្រូពេទ្យឯកទេសរោគស្ត្រី) ឬគិលានុបដ្ឋាក។ ពួកគេគួរតែសួរអ្នកនូវសំណួរនានាអំពីប្រវត្តិវេជ្ជសាស្ត្ររបស់អ្នក ហើយអាចធ្វើតេស្តមួយចំនួនដើម្បីធានាថាឧបករណ៍ពន្យារកំណើតដាក់ក្រោមស្បែក នេះគឺជាជម្រើសដែលមានសុវត្ថិភាពសម្រាប់អ្នកមុនពេលចេញវេជ្ជបញ្ជា។

អាចទទួលបានវេជ្ជបញ្ជានៅ៖

• គ្លីនិក GP
• ការណាត់ជួបអ្នកឯកទេស
• ការណាត់ជួបពិនិត្យសុខភាពតាមរយៈទូរសព្ទ (តាមអនឡាញ ឬតាមទូរសព្ទ)
• គ្លីនិកសុខភាពផ្លូវភេទ
• គ្លីនិកផែនការគ្រួសារ

នៅពេលដែលអ្នកមានវេជ្ជបញ្ជា អ្នកអាចទិញឧបករណ៍ពន្យារកំណើតដាក់ក្រោមស្បែកនៅតាមឱសថស្ថានភាគច្រើន រួមទាំងឱសថស្ថានអនឡាញផងដែរ។

ឧបករណ៍ពន្យារកំណើតដាក់ក្រោមស្បែកចាំបាច់ត្រូវតែបានស៊កបញ្ចូល និងយកចេញដោយអ្នកជំនាញថែទាំសុខភាពដែលបានទទួលការបណ្តុះបណ្តាល។ ពួកគេនឹងស៊កបញ្ចូលវាទៅក្នុងដើមដៃរបស់អ្នកតាមរយៈនីតិវិធីវះកាត់តូចតាចមួយ ដោយការដាក់ថ្នាំឱ្យស្ពឹកតាមតំបន់ដើម្បីំឱ្យស្ពឹកនៅតំបន់នោះ។ អ្នកមិនអាចស៊កបញ្ចូល ឬយកចេញឧបករណ៍ពន្យារកំណើតដាក់ក្រោមស្បែកដោយខ្លួនឯងបានទេ។

ឧបករណ៍ពន្យារកំណើតដាក់ក្រោមស្បែកត្រូវបានចុះក្នុងបញ្ជី​គម្រោងការជំនួយផ្នែកឱសថ (PBS) ដែលធ្វើឱ្យវាមានតម្លៃថោកជាងសម្រាប់អ្នកដែលកាន់កាត Medicare បច្ចុប្បន្ន។

ឧបករណ៍ពន្យារកំណើតដាក់ក្រោមស្បែក​មានប្រសិទ្ឋិភាព​រយៈពេល 3 ឆ្នាំ។ តម្លៃក្នុងមួយឧបករណ៍ពន្យារកំណើតដាក់ក្រោមស្បែក គឺ៖

• តម្លៃ PBS៖ រហូតដល់ $25
• តម្លៃ PBS សម្រាប់អ្នកកាន់ប័ណ្ណសម្បទាន៖ រហូតដល់ $7.70
• វេជ្ជបញ្ជាឯកជន៖ ចន្លោះពី $160–180

ទោះបីជាអ្នកជំនាញថែទាំសុខភាពមួយចំនួនគិតថ្លៃព្យាបាលផ្ទាល់ពីរដ្ឋ (ដែលមានន័យថា អ្នកនឹងមិនចំណាយអ្វីទាំងអស់ដើម្បីជួបពួកគេ) ក៏ដោយ អ្នកខ្លះអាចគិតថ្លៃសេវាដែលត្រូវចំណាយផ្ទាល់ខ្លួនសម្រាប់ការណាត់ជួបដែលត្រូវការដើម្បីទទួលបានវេជ្ជបញ្ជារបស់អ្នក និងដើម្បីស៊កបញ្ចូល និងយកចេញឧបករណ៍ពន្យារកំណើតដាក់ក្រោមស្បែក។

ទេ ឧបករណ៍ពន្យារកំណើតដាក់ក្រោមស្បែកមិនមានផលប៉ះពាល់ដល់ភាពមានកូនរយៈពេលវែងនោះទេ។

ភាពមានកូនរបស់អ្នកគួរតែត្រឡប់មកធម្មតាវិញភ្លាមៗ បន្ទាប់ពីអ្នកបានយកចេញឧបករណ៍ពន្យារកំណើតដាក់ក្រោមស្បែក ប៉ុន្តែវដ្តរដូវរបស់អ្នកអាចចំណាយពេលបន្តិចដើម្បីសម្របសម្រួល។

អ្នកអាចចាប់ផ្តើមប្រើឧបករណ៍ពន្យារកំណើតដាក់ក្រោមស្បែកភ្លាមៗបន្ទាប់ពីសម្រាលកូនរួច ទោះបីជាអ្នកកំពុងបំបៅដោះកូនក៏ដោយ។ អ្នកគួរតែប្រើឧបករណ៍ពន្យារកំណើតដាក់ក្រោមស្បែកក្នុងរយៈពេល 21 ថ្ងៃបន្ទាប់ពីសម្រាលកូនរួច ដើម្បីជៀសវាងការមានផ្ទៃពោះ។